گه‌ڕان

Shadow Shadow
سیاسه‌تی

فڕۆکەیەکی مەدەنی لە ساتی خستنەوە خوارەوەی فڕۆکە ئەمریکیەکە لە ئاسمانی ناوچەکە بووە

2019.06.21 - 10:10
App store icon Play store icon Play store icon
فڕۆکەیەکی مەدەنی لە ساتی خستنەوە خوارەوەی فڕۆکە ئەمریکیەکە لە ئاسمانی ناوچەکە بووە

کەناڵی ناس کورد لە تێلیگرام جۆین بکە   

ناس کورد ناوەندی فڕۆکەوانی ئەمریکا، ئاشکرای کردووە، فڕۆکەیەکی مەدەنی لە ساتی خستنە خوارەوەی فڕۆکە بێفڕۆکەوانەکەی ئەمریکا لە نزیک ڕوداوەکەوە بووە. . لە کاردانەوەی ئەو ڕوداوەدا، ناوەندی فڕۆکەوانی ئەمریکا، فڕینی هەر جۆرە فڕۆکەیەکی مەدەنی وڵاتەکەی بەسەر ئاسمانی ئاوەکانی ئێران و گەرووی هورموزدا قەدەغە کردووە. . ناوەندی فڕۆکەوانی ئەمریکا ئەوەی ئاشکرا کردووە، فڕۆکە مەدەنیەکە 83 کیلۆمەتر لە شوێنی ڕوداوەکەوە دوور بووە. . هۆکاری دەرکردنی بڕیارەکە بۆ بەرزبوونەوەی ئاستی گرژییەکانی نێوان وڵاتەکەی و ئێران گەڕاندوەتەوە. . هاوکات کۆمپانیای یونایتید ئێرلانیزی ئەمریکا پێش دەرکردنی بڕیارەکە، سەرجەم گەشتەکانی بۆ مۆمبای هندستان هەڵوەشاندەوە بەوپێیەی هێڵێ گەشتەکان دەکەونە سەر ڕێڕەوی ئاوییەکانی ئێران. . پێشترلە ڕووبەڕوو بوونەوە سەربازییەکاندا، چەند جارێک فڕۆکە مەدەنیەکان کراونەتەوە ئامانج. . لە حوزەیرانی 2014،  لە کاتی ئاڵۆزییەکانی ئۆکرانیا فڕۆکەیەکی مالیزیا بە 298 سەرنشینەوە لە سەر ئاسمانی ئۆکراین بە موشەکێک خرایە خوارەوە تەواوی سەرنشینەکانی کوژران. . جگە لەوەش لە حوزەیرانی ،1988 فڕۆکەیەکی هێڵی ئاسمانی ئێران لە ئاسمانی کەنداوی فارس لە لایەن هێزی دەریایی ئەمریکاوە خرایە خوارەوە و بەهۆیەوە 290 کەس لە سەر نشینەکانی گیانیان لەدەستدا.