گه‌ڕان

Shadow Shadow
سیاسه‌تی

وردەکاریى

تەندروستى بابەتى بەزۆر پێدانى ڤاکسینى کۆرۆناى بە فەرمانبەران یەکلایى کردەوە 

2021.07.12 - 09:29
App store icon Play store icon Play store icon
تەندروستى بابەتى بەزۆر پێدانى ڤاکسینى کۆرۆناى بە فەرمانبەران یەکلایى کردەوە 

ناس کورد- 

وەزارەتى تەندروستى مشتومڕى بەزۆر پێدانى ڤاکسینى کۆرۆناى بەفەرمانبەران یەکلایى کردەوە و چەند چینێکیشى دیاری کرد کە ڤاکسینەکەیان پێ نادرێت.

 

کەناڵی ناس کورد لە تێلیگرام جۆین بکە   

 

سەیف بەدر، وتەبێژى وەزارەتى تەندروستى عێراق (12ى تەموزى 2021) ڕایگەیاند، لەم کاتانەدا ناکرێت ڤاکسینى کۆرۆنا لەچەند چینێک بدرێت لەوانە ژنانى دوو گیان و هەروەها ئەوانەى لەخوار تەمەنى 18 ساڵیەوەن و ئەوانەشى کە هەستیاریان بەپێکهاتەکانى ڤاکسینەکە هەیە.

 

بەدر جەختى لەسەر ئەوەش کردەوە، فەرمانبەران ناچار بە وەرگرتنى ڤاکسین ناکرێن و بۆ ئەوەش هیچ بنەمایەکى یاسایى نیە.

 

دەشڵێت، وەزارەتەکەیان داواى پشکنینى کۆرۆنا لەفەرمانبەرانى دەکات بەشێوەیەکى هەفتانە یاخود داواى کارتى وەرگرتنى ڤاکسینەکە دەکات بەڵام هیچ کاتێک لێپرسینەوە لەوانە ناکات کە ڤاکسینیان وەرنەگرتووە و هیچ بڕیار و دەقێک بۆ ئەوەش نیە لەلایەن لیژنەى باڵاى سەلامەتى نیشتمانیەوە.

 

بەوتەى بەدر، وەزارەتەکەیان هەڵمەتێکى پێدانى ڤاکسینى بە فەرمانبەرانى دەست پێ کردووە و دەکرێت ئەو ئەزمونە بەرەو ناو سەندیکای پزیشکانیش بکرێت بەتایبەت بۆ ناوەندە پسپۆڕییەکان وەرگرتنى ڤاکسین پێویستە.

 

پێشتریش وەزارەتى تەندروستى ئەوەى ڕاگەیاند، پلانێکى داناوە بۆ زیاترکردنى بڕى ڤاکسینەکان و هەروەها زیاترکردنى ناوەندەکانى وەرگرتنى ڤاکسین و ئاماژەى بۆ ئەوەش کرد، پێدانى ڤاکسین بە فەرمانبەرانى سەر بەوەزارەت ئەو دەنگۆیانە پوچەڵ دەکاتەوە کە لەسەر ڤاکسینەکانى دژە کۆرۆنا بڵاودەکرێنەوە.