گه‌ڕان

Shadow Shadow
سیاسه‌تی

وردەکاریى

ئامارى نوێى کۆرۆنا لە جیهان ’قوربانییەکان چوار ملیۆنى تێپەڕاند’

2021.07.12 - 08:50
App store icon Play store icon Play store icon
ئامارى نوێى کۆرۆنا لە جیهان ’قوربانییەکان چوار ملیۆنى تێپەڕاند’

ناس کورد-

زانکۆیەکى ئەمەریکى بەرزبوونەوەى ئامارەکانى توشبوون بە کۆرۆناى لە جیهان بۆ زیاتر لە 186,7 ملیۆن توشبو و زیاتر لە 4 ملیۆن گیان لەدەستدان، راگەیاند.

 

کەناڵی ناس کورد لە تێلیگرام جۆین بکە   

 

زانکۆى جۆنز هۆبکنزى ئەمەریکى (12ى تەموزى 2021) لەمیانەى بڵاوکردنەوەى ئامارێکدا ئاماژەى بەوە کرد، تێکڕاى توشبوون بە پەتاى کۆرۆنا لە جیهاندا گەیشتووەتە 186 ملیۆن و 753 هەزار و 958 توشبوو، هەروەها کۆى گیان لەدەستدان بە پەتاکەش گەیشتووەتە 4 ملیۆن و 29 هەزار و 721 گیان لەدەستدان.

 

بەگوێرەى ئامارەکەى زانکۆ ئەمەریکییەکە، وڵاتى ئەمەریکا لە پلەى یەکەمى ریزبەندى گیان لەدەستدانە بە پەتاکە و 607155 گیان لەدەستدان تۆمارکراوە و ژمارەى توشبووانیش گەیشتووەتە 33853809 توشبوو.

 

لە ئامارەکەدا ئەوە رونکراوەتەوە کە لە پلەى دووەمدا بەرازیل دێت و لەو وڵاتە ژمارەى گیان لەدەستدان 533488 گیان لەدەستدان و کۆى توشبوونیش 19089940 توشبووە.

 

هاوکات لە ریزبەندى سێهەمدا وڵاتى هیند دێت بە تۆمارکردنى 408040 گیان لەدەستدان و 30837222 توشبوو.

 

لە ئامارەکەدا وڵاتى مەکسیک پلەى چوارەم و پیرۆ پلەى پێنجەم و روسیا پلەى شەشەم و بەریتانیا پلەى حەوتەم و ئیتاڵیا پلەى هەشتەم و کۆلۆمبیا پلەى نۆیەم و فەڕەنسا پلەى دەیەمى لە توشبوون و گیان لەدەستدان بە پەتاى کۆرۆناى وەرگرتووە.