گه‌ڕان

Shadow Shadow
سیاسه‌تی

سەرپەرشتیارى هێزەکانى کۆسرەت رەسوڵ ناوەڕۆکى کۆبوونەوەکەیان لەگەڵ بافڵ تاڵەبانى ئاشکرادەکات

2021.07.11 - 23:41
App store icon Play store icon Play store icon
سەرپەرشتیارى هێزەکانى کۆسرەت رەسوڵ ناوەڕۆکى کۆبوونەوەکەیان لەگەڵ بافڵ تاڵەبانى ئاشکرادەکات

ناس کورد-

 

فەرماندەى لیواکانى سەر بە کۆسرەت رەسوڵ رایگەیاند، لەکۆبوونەوەى نێوان بافڵ تاڵەبانى و قوباد تاڵەبانى لەگەڵ هێزەکانى 70 باسى گۆڕانکارییە ناوخۆییەکان کراوە و جەخت لە پاراستنى یەکێتى ناو یەکێتى کراوەتەوە.

کەناڵی ناس کورد لە تێلیگرام جۆین بکە   

 

لیوا ئەیوب یوسف سەرپەرشتیارى لیواکانى 3 و حەوتى تایبەتى کۆسرەت رەسوڵ لە بڵاوکراوەیەکدا رایگەیاند، کۆبوونەوەکە سەرلەبەیانى ئەمرۆ بەبەشدارى مستەفا چاوڕەش فەرماندەی گشتی هێزەکانی ٧٠، بافڵ تاڵەبانی هاوسەرۆکی یەکێتی و قوباد تاڵەبانی جێگری سەرۆکی حکومەت بەرێوەچووە.

 

ئاماژەى بەوەشکردووە، لەو دیدارەشدا باس لە دواین پێشهات و گۆڕانکارییەکانی ناوخۆی حیزب و چارەسەری کێشە و گیرووگرفتەکان کرا و جەخت لەسەر پاراستنی یەکڕیزی ماڵی کورد و پاراستنی یەکێتی ناو یەکێتی کرایەوە.

 

ئەو کۆبوونەوەیە هاوکات بوو لەگەڵ جێبەجێکردنى بڕیارى گۆڕانکاریی لەدوو پۆستى سەربازى و ئەمنى سەر بەیەکێتى لەلایەن بافڵ تاڵەبانى یەوە، کە نیگەرانى لاهور شێخ جەنگى هاوسەرۆکى یەکێتى لێکەوتووەتەوە.