گه‌ڕان

Shadow Shadow
سیاسه‌تی

چییان لێ دێت؟

چارەنوسی ئەو کەسانەی پێشتر ناویان بۆ حەجی ئەمساڵ دەرچووە ئاشکرا کرا

2021.07.11 - 09:18
App store icon Play store icon Play store icon
چارەنوسی ئەو کەسانەی پێشتر ناویان بۆ حەجی ئەمساڵ دەرچووە ئاشکرا کرا

ناس كورد-
ئەو کەسانەی ساڵانی پێشوو ناویان لە تیروپشکی ئەنجامدانی حەج دەرچووە و ئەمساڵ بەڵام بەهۆی ڕێکارەکانی کۆرۆنا نەیانتوانی بچنە سعودیە، "مافیان نافەوتێت و هەرکات دۆخەکە ئاسایی بووەوە ئەوان لە پێشەوە دەبن."

کەناڵی ناس کورد لە تێلیگرام جۆین بکە   

 

جەمالدین بەدری، بەرپرسی ڕاگەیاندنی دەستەی حەج وعەمرەی عێراق (11ی تەموزی 2021) بە ئاژانسی هەواڵی فەرمیی عێراقی ڕاگەیاند، ئەو کەسانەی لە ساڵانی پێشوودا ناویان دەرچووە لە وەرزی حەجی ساڵی داهاتوودا کاریان پێی دەکرێت و دەبنە پێشینەی ئەو کەسانەی کە گەشتەکە ئەنجام دەدەن".

 

ئەوەشی خستەڕوو، "دەستەی حەج وعەمرە هەماهەنگی تەواوی لەگەڵ لایەن ئەمنییەکاندا کردووە بۆ لێپێچینەوە لەو کەس و کۆمپانیانەی کە پارە لە خەڵک وەردەگرن بە مەبەستی ئەنجامدامی حەج، سەرباری ئەوەی کە ئەو مەراسیمە بەهۆی کۆرۆناوە لەئێستادا ڕاگیراوە".

 

لای خۆیەوە هونا تورکی، ئەندامی لیژنەی ئەوقاف و کاروباری ئاینی پەرلەمانی عێراق بە ئاژانسە عێراقییەکەی وتووە، "حکومەت پەیوەستە بە پەیڕەوکردنی میکانزمێکی تۆکمە بۆئەوەی ئەو کەسانەی کە ناویان بۆ ئەنجامدانی گەشتی حەج دەرچووە لە ساڵانی پێشوودا، هەرکات گەشتەکانی حەج ئاسایی بوویەوە ئەوە ئەوان پێشینە بن."


دەشڵێت، "ئەو پرسە لەلایەن لیژنەکەمانەوە بەدواداچوونی جدی بۆدەکرێت".

 

بەهۆی ڕێگریکردنی لە بڵاوبوونەوەى زیاتر کۆرۆنا، دەسەڵاتدارانی سعودیە فەریزەی حەجی ئەمساڵیان سنوردارکردن و تەنها 60 هەزار هاوڵاتی خەڵکی سعودیە دەتوانن حەج بکەن و هیچ کەسێک لە وڵاتانی جیهانەوە ناتوانێت بەشدار بێت، ئەوانەشی بەشدار دەبن دەبێت کوترا بن.

 

ئەوە لەکاتێکدایە ساڵانە نزیکەى دوو ملیۆن و نیو حاجی لە سەرانسەری جیهانەوە بەشداری ئەو مەراسیمە ئاینییەیان کردووە.