گه‌ڕان

Shadow Shadow
سیاسه‌تی

توشی وەهم بوون

پەیامێك لە ئاڵا تاڵەبانییەوە سەبارەت بە بارودۆخی یەكێتی

2021.07.11 - 00:45
App store icon Play store icon Play store icon
پەیامێك لە ئاڵا تاڵەبانییەوە سەبارەت بە بارودۆخی یەكێتی

ناس كورد_

ئاڵا تاڵەبانی سەرۆكی فراكسیۆنی یەكێتی لە پەرلەمانی عێراق ڕایگەیاند ئەوانەی وەهمی ئەوەیان هەیە كە دەتوانن پەرتەوازەیی بخەنە ڕیزەكانی یەكێتی یان ڕۆڵ و كاریگەرییە سیاسییەكەی لاواز بكەن ئەوە هیچ لە مێژووی دوور و نزیك فێر نەبوون. 

کەناڵی ناس کورد لە تێلیگرام جۆین بکە   

ئاڵا تاڵەبانی لە تویتێكدا (11 تەموزی 2021) دەڵێت لە قوتابخانەی جەلال تاڵەبانییەوە فێری واتاكانی یەكڕیزی بووین و لە دەروونماندا چەسپاوە و لەیەكێتی نیشتمانیدا بەرجەستە بووە، هەركەسیش وەهمی ئەوەی هەبێت دەتوانێت پەرتەوازەیی بخاتە ناو یەكێتی ئەوان یان رۆڵ و كاریگەرە سیاسییەكەی لاواز بكات ئەوە هیچ لە مێژووی نزیك و دوور فێر نەبووە. 

ئاڵا تاڵەبانی ئەوەشی وتووە "قسەو قسەڵۆك چەكی خەڵكانی موفلیسە و گەل لە سندوقی دەنگدان وەڵامی دەداتەوە". 

 

بەگوێرەی زانیارییەكانی "ناس كورد" كە لە سەرچاوەی جیاجیاوە دەستی كەوتووە (11 تەمموزی 2021) مشتومڕی ئەم دواییەی بافڵ تاڵەبانی و لاهور شێخ جەنگی لەسەر دانانی سەرۆكایەتی دەزگا ئەمنییەكانی زانیاری و دژە تیرۆر، تا ئێستا لە بەرژەوەندی بافڵ تاڵەبانی كۆتاییهاتووە، لەم میانەیەشدا لەجێگەی محەمەد تەحسینی برای ئاڵا تاڵەبانی كە نزیكە لە لاهور شێخ جەنگی، كەسێكی تر بەناوی ئەژی مەلا ئەمینی هەڵەبجەیی دانراوە، بەڵام لاهوری شێخ جەنگی لەڕێگەی میدیاكانییەوە شەوی ڕابردوو ئەوەی ڕاگەیاند، "سورە لەسەر ئەوەى دەبێت ئەو بڕیارانە هەڵبوەشێتەوە چونکە نایاسایین و بەزەبری هێز کراوە کە ئەوەش هەرگیز ڕێگا پێدراو نییە". 

 

میدیای نزیك لەلاهور شێخ جەنگی، گۆڕانكارییەكانی بافڵ تاڵەبانی  بە پلانی پارتی دەدەنە قەڵەم بۆ كۆنترۆڵكردنی یەكێتی و سلێمانی، بەڵام لێكدانەوەی تر هەن خواستی بافڵ بۆ گێڕانەوەی یەكێتی بۆ ئامێزی ماڵی تاڵەبانی بەهۆكاری جموجوڵی ئەمدواییە دەزانن و سۆشیال میدیای بافڵ تاڵەبانی دەیگێڕێتەوە بۆ چاكسازی و ڕێگەگرتن لە قاچاخچێتی لە دەروازە سنورییەكان و فڕۆكەخانە.

 

كەناڵی ڕووداوی نێچیرڤان بارزانی ئێوارەی ( 10 تەمموزی 2021) ئەوەی پشتڕاست كردەوە كە قوباد تاڵەبانی جێگری سەرۆکوەزیرانی هەرێمی کوردستان کە سەرۆکی تیمی یەکێتییە لە حکومەت، پێشتر داوای لە نێچیرڤان بارزانی، سەرۆکی هەرێمی کوردستان کردووە تاوەکو فەرمانی هەرێمی بۆ دوو بەرپرسە نوێیەکەی دژە تیرۆر و دەزگای زانیاری لە سلێمانی دەر بکات. كەناڵەكە لەزاری سەرچاوەیەكی یەكێتیشەوە ئەوەی بەپەلە گواستەوە كە ئەو گۆڕانكارییانەی كراون "لەپێناوی چاکسازییەکی جیدیدان کە بۆ سلێمانی و خەڵکەکەی زۆر باشە". بەڵام كەسێكی نزیك لە نووسینگەی لاهور شێخ جەنگی بە "ناس كورد" ی ڕاگەیاند ئەو زانیارییەی كۆتایی ڕووداو "سەرلەبەری دوورە لە ڕاستییەوە".   

me_ga.php?id=4211