گه‌ڕان

Shadow Shadow
سیاسه‌تی

زانیاریی زیاتر

دواى هەڕەشەى میلیشیاکان چالاکوانێکى عێراقى بێ سەروشوێنە

2021.07.10 - 17:57
App store icon Play store icon Play store icon
دواى هەڕەشەى میلیشیاکان چالاکوانێکى عێراقى بێ سەروشوێنە

ناس کورد-

دواى ئەوەى چەند جارێک هەڕەشەى لێکرا بەهۆى هەڵوێستەکانییەوە، چالاکوانێکى عێراقى لە شارى بەغدا بێسەروشوێن دەبێت و هەڵمەتێکى فراوانیش بۆ دۆزینەوەى دەستى پێکردووە.

کەناڵی ناس کورد لە تێلیگرام جۆین بکە   

 

بەپێى سەرچاوەکانى هەواڵ (10ى تەموزى 2021)، عەلى مەکدام، چالاکوانى عێراقى لە شارى بەغدا بێسەروشوێن بووە، ناوبراو لە ڕۆژى هەینییەوە دیار نەماوە و تائێستاش چارەنوسى نادیارە، ئەوەش دواى ئەوە دێت چەند جارێک هەڕەشەى لێ کراوە.

 

بەپێى زانیاریەکان، ئەو چالاکوانە یەکێک بووە لە بەشدارانى خۆپیشاندانەکانى 25ى ئۆکتۆبەر و هاوکارى بریندارەکانى کردووە، هەروەها بەردەوام هێرشى کردووەتە سەر گەندەڵییەکانى دەسەڵات و بە بەردەوامیش داواى لە کۆمەڵگەى نێودەوڵەتى کردووە کە دژى میلیشیاکان و ئەو سیاسیانەى کە لە سزا دەربازیان دەبێت لە عێڕاق جوڵە بکەن.

 

لاى خۆیەوە محى ئەنسارى، ڕۆژنامەنوس و توێژەرى عێراقى لە تۆڕى کۆمەڵایەتى تویتەر، دیارنەمانى ئەو چالاکوانەى پشتڕاست کردووەتەوە و نوسیویەتى، پەیوەندییمان بە عەلى مەکدامەوە پچڕاوە، ئەوەش لە کاتژمێر 5ى ئێوارى ڕۆژى هەینییەوە، کۆتا دەرکەوتنى لە قاوەخانەیەک بووە لە ناوچەى کەرادە.

 

باسى لەوەشکردووە، مەکدام ئەندامى جوڵانەوەى ماڵى عێراقى بوو و ماوەیەکە بەردەوامە ڕووبەڕووى هەڕەشە و گێچەڵ دەبێتەوە، بۆیە بەرپرسیارێتى سەلامەتى و گەڕانەوى لە ئەستۆى حکومەتە.