زانیاری لەبارەى ئەو دەنگە بەرزەى لە تاران بیسترا

 

میدیای حکومەتی ئێران ئاشکرای کرد، "تەنێکی نادیار تەقیوەتەوە لە پارکەکەدا، هیچ زەرەر و زیانێکی نەبووە."

 

پێشتر میدیایە لە زاری تیمی بەرگریی شارستانی شارەکەوە ڕایگەیاند، تیمی بەرەنگاربوونەوەی ئاگر و فریاکەوتن چوونەتە شوێنەکە و لێکۆڵینەوە دەکەن.

 

بەڵام ئاژانسی تەسنیمی ئێرانی لە زاری یاریدەدەری ئەمنی پارێزگاری تاران ئاشکرای کرد، تەقینەوەکە لە پارکی میلەت بووە کە نزیکە لە تەلەفزیۆنی فەرمی حکومەتی ئێران لە باکوری تاران و "تائێستاش هۆکار و چۆنیەتی نەزانراوە."

 

ڕاشیگەیاند کە "بەرپرسانی ناوخۆیی شارەکە لێکۆڵینەوەى زیاتر لە ڕووداوەکە دەکەن."

 

لە لایەکی ترەوە، وتەبێژی ئیدارەى بەرگریی شارستانی شارەکە وتی کە "هیچ ئاسەوارێکی تەقینەوە یاخود ئاگرکەوتنەوە لە شوێنەکە نەبینراوە."