گه‌ڕان

Shadow Shadow
سیاسه‌تی

کەجەکە: پارتى دەیەوێت پەکەکە و عێراق بەیەکدا بدات

2021.07.09 - 23:26
App store icon Play store icon Play store icon
کەجەکە: پارتى دەیەوێت پەکەکە و عێراق بەیەکدا بدات

ناس کورد-

 

هاوسەرۆکی دەستەى بەڕێوەبەریی کۆما جڤاکێن کوردستان (کەجەکە) رایگەیاند، پارتى بەبەکارهێنانى پاسەوانى سنور، دەیەوێت پەکەکە و عێراق بەیەکدا بدات، بەڵام هەرکات گەریلا گورزى گەورەى بەربکەوێت قەوارەى باشور کۆتایی دێت.

کەناڵی ناس کورد لە تێلیگرام جۆین بکە   

 

بەسێ هۆزات بە ئاژانسى فورات نیوزى سەر بە پەکەکەى راگەیاند "هەر کات گەریلا زیان و گورزی گەورەى بەربکەوێت ئەو کاتە تەمەنی پێگە و قەوارەی باشوور کۆتایی پێدێت".

 

وتیشى "پەدەکە هاوکات لەگەڵ هێرشە داگیرکەرییەکانی دەوڵەتی تورک بۆ سەر ناوچەکانی گەریلا، لە سنوورەکانی نێوان ناوچەکانی گەریلادا دەستی بە جێگیرکردنی هێزەکانی دەکات. هەوڵ دەدات وا لە گەریلا بکەن، کە نەتوانن جموجوڵ بکەن".

 

وتیشى "پەدەکە هەوڵ دەدات هێزەکانی پاسەوانی سنووری عێراقیش بەشداری ئەو هێرشانە بکات. پەدەکە بە بەکارهێنانی هێزەکانی پاسەوانی سنوور هەوڵ دەدات ناڕەزایەتییەکانی سەر خۆی بخاتە سەر عێراق. دەیەوێت پەکەکە و عێراق، عێراق و دەوڵەتی تورک رووبەڕووی یەکتر بکاتەوە، عێراق بکاتە پارچەیەک لە هێرشەکان و گوشارەکانی رای گشتی بۆ سەر خۆی کەم بکاتەوە". 

 

بەسێ هۆزات دەڵێت "لە هەمان کاتدا پەدەکە لە رێگەى کاری تێکدەرانە و ئاژاوەگێڕانەوە هەوڵ دەدات گەریلا ناچار بکات، کە شەڕ دژی پێشمەرگە بکەن، ناچاریان بکات کە بەشداری شەڕ ببن".