گه‌ڕان

Shadow Shadow
سیاسه‌تی

’’سێدارە و ماڵى بارزانى و ئەشکەنجە’’

دوو بەرپرسى ئێستا و پێشووى پارتى هێرشى توند دەکەنە سەر یەکتر

2021.07.09 - 21:56
App store icon Play store icon Play store icon
دوو بەرپرسى ئێستا و پێشووى پارتى هێرشى توند دەکەنە سەر یەکتر

ناس کورد-

 

شاخەوان عەبدوڵا پەرلەمانتارى پێشووى پارتى و کادیرى باڵاى ئەو حزبە هێرشى توند دەکاتە سەر سەرحەد قادر بەرێوەبەرى پێشووى پۆلیسى قەزا و ناحیەکانى کەرکوک، سەرحەد قادریش وەڵامى توندى دەداتەوە.

کەناڵی ناس کورد لە تێلیگرام جۆین بکە   

 

شاخەوان عەبدوڵا کە پاڵێوارى پارتى یە بۆ هەڵبژاردنى پێشوەختەى عێراق لە بازنەى کەرکوک ئەمڕۆ هەینى لەبڵاوکراوەیەدا کە دەست "ناس کورد" کەوتووە، هێرشێکى توندیکردووەتە سەر سەرحەد قادر، بەبێ ئەوەى ناوى بهێنێت و دەڵێت شایەنى ئەوەیە "لەسێدارە بدرێت".

 

شاخەوان عەبدوڵا زنجیرەیەک تۆمەتى ئاڕاستەى سەرحەد قادر کردووە، ئەو کاتەى کە پۆستى بەرێوەبەرى پۆلیسى قەزا و ناحیەکانى کەرکوکى بەدەستەوە بووە لەسەر پشکى پارتى و دەڵێت "لەکاتێکدا خوێندەواری نەبوو بەڵام پڕ سەرشانەکانی کرا لە نەجمە بەڵام  بەداخەوە متمانەی ماڵی بارزانی و پارتیشی دۆڕاند".

 

دەشڵێت "دەیان گەنجی ئەو شارەی بەکوشت دەداو خۆشی لەدواوە خەریکی فلیم دەرکردن بو دەیان تیرۆریستی بەپارە ئازادکردو دەیانی تریش کەبێ تاوان بون دەستگیری دەکردن و دوای بەپارە ئازادی دەکردن".

 

"ئێستا ماڵی بارزانی و پارتی تەنها سنورێکیان بۆی داناوە و هیچ سزایەکیان نەداوە چونکە ئەگەر بێتو لەسەر تاوانەکانی سزا بدرێت دەبێت دەیان جار لە سێدارە بدرێت"، شاخەوان عەبدوڵا واینوسیوە.

 

لەدواى رووداوەکانى ١٦ى ئۆکتۆبەرى ساڵى ٢٠١٧ەوە سەرحەد قادر لە سلێمانى نیشتەجێ بووە و نەچووەتەوە هەولێر، لەلایەن عێراقیشەوە فەرمانى دەستگیرکردنى بۆ دەرکراوە، بەڵام تا ئێستا دەستگیرنەکراوە.

 

لەوەڵامى شاخەوان عەبدوڵادا، سەرحەد قادر ئەمڕۆ هەینى بە "ناس کورد" ى راگەیاند "من 15ساڵ پێش ئەوەی بچم بۆ کەرکوک مدیری شورتەبووم لەهەولێر کاتێکیش هاتمە کەرکوک دەیان لەخزم و کەس وکاری خۆم بەشەهیدکردن داوە بۆ پاراستنی کەرکوک".

 

وتیشى "ئەوانە لەسەرشاشەکان خەریکی درۆکردن بوون گوێیان لەگیزەی فیشەک نەبووە، تەنها چالاکیەکیان هەبێت کوشتنی دووگەنجی کورد بوو لەژێر تەعزیبدا".

 

"لەبارەی گەندەڵیەوە ئەوان لەدەزگای ئەمنی و لەپەرلەمان و لەکۆمپانیای ئەمنیش موچەیان هەبوو، سەدان بەڵگەی گەندەڵی ئەوانم لایە ئەگەر بەردەوام بن لەتۆمەت بەخشینەوە هەمووی بڵاو دەکەمەوە"، سەرحەد قادر وایوت.

 

سەرحەد قادر کە چەند جارێک دەنگۆى بوون بەیەکێتى بڵاوکراوەتەوە دەڵێت، ئێستا کەسێکی سەربەخۆیە و لە16ئۆکتۆبەرە لەماڵی خۆى دانیشتووە "بۆ وەڵامی ئەوەش کەمن متمانەی پارتیم لەدەست داوە ئەوان دەیان جار پەیوەندیان پێوەکردووم، بەڵگەم هەیە کە سیداد بارزانی بەبەڵگەی نوسراو بەمنی وتوە ئەوانەی قسەلەسەرتۆئەکەن و شت لەسەرتۆئەنوسن …..".

me_ga.php?id=4207

"ئامادەم لەکەناڵی عێراقی یان هی هەرێم یان هی ئەجنەبی ڕووبەڕوو دانیشین شتەکان باس بکەین ئەوکاتە ڕوون ئەبێتەوە کێ دز وکێ  جاش وکێ کوردی ناشرین کردووە، ئەوان بەدزینی ماڵی خەڵکەوە نەوەستان دەنگی خەڵکیشیان دزی. مەلا عیزەدین سەرۆکی لیست بوو خۆشەویستی کەرکوکیەکان بوو دەرچوو بۆ پەرلەمان کەچی دەنگەکانیان دزی هەروەها دەنگی برای نیزام دین گلیان دزی"، سەرحەد قادر وایوت.

me_ga.php?id=4208