گه‌ڕان

Shadow Shadow
سیاسه‌تی

شارەوانى سلێمانى لەسەر ’’’چاککردنەوەى’’ شوێنە روخاوەکەى مزگەوتى بەهەشت هاتەدەنگ 

2021.07.09 - 20:22
App store icon Play store icon Play store icon
شارەوانى سلێمانى لەسەر ’’’چاککردنەوەى’’ شوێنە روخاوەکەى مزگەوتى بەهەشت هاتەدەنگ 

ناس کورد-

 

شارەوانى سلێمانى چاککردنەوەى شوێنە روخاوەکەى مزگەوتى بەهەشت "بەنایاسایی" دادەنێت و جەختدەکاتەوە کە ئەو زەوییە موڵکى شارەوانییە.

کەناڵی ناس کورد لە تێلیگرام جۆین بکە   

 

زەردەشت رەفیق وتەبێژى شارەوانى سلێمانى ئەمڕۆ هەینى بە "ناس کورد"ى ڕاگەیاند، "وەکو سنورى مزگەوتەکە هیچ کێشەیەکمان نییە، بەڵام ئەو شەقامەى تێکدراوە موڵکى شارەوانییە و نایاساییە دووبارە چاک بکرێتەوە".

 

وتیشى "ئێمە هەموو مزگەوتەکانى سلێمانى خۆمان زەویمان بۆ تەرخان کردوون ئەوە ئەرکى ئێمەیە".

 

ئەو شوێنەى مزگەوتەکە کە رۆژى سێشەممە لەلایەن شارەوانى سلێمانى یەوە بە پاساوى "زیادەڕەوى" روخێنرا شوێنى مردووشۆردنە و تا ئێستاش چاکنەکراوەتەوە.

 

روخاندنى ئەو شوێنە کاردانەوەى زۆرى بەدواى خۆیدا هێنا کە تا ئێستاش بەردەوامە.

 

عەبدولحەق عەبدولـلەتیف کوڕى عەبدولـلەتیف یەکێک لە رێبەرانى ڕەوتى سەلەفى لە کوردستان (هەینى 9ى تەموزى2021) ، بە "ناس کورد" ى ڕاگەیاند "تائێستا بە ئاڕاستەى چارەسەرى کێشەى مزگەوتى بەهەشت هیچ شتێک نەکراوە بەرپرسانى شارى سلێمانى پەىیوەندیان بە باوکمەوە کردوە هەمویان بێ ئاگایى و ناخۆشحاڵیان دەربڕیوە".

 

وتیشى "ئەو بەرپرسانەى پەیوەندیان پێوە کردووین پێکهاتوون لە ئاوات محەمەد قایمقامى سلێمانى و بەرپرسی مەڵبەندى یەکى یەکێتى، هەروەها لاهور شێخ جەنگى نامەى بۆ باوکم ناردووە".

 

عەبدولحەق باسى لەوەشکرد، هیچ یەکێک لەو بەرپرسانە بەڵێنى چاککردنەوەى مزگەوتەکە و قەرەبوو کردنەوەیان نەداوە.

 

دەبارەى هەڵویستیان لە داهاتوودا، عەبدولحەق وتى "ئێمە هیچ هەڵوێستێکمان نابێت، ئێمە بێ دەسەڵاتین تەنها داواکاریمان قەرەبووکردنەوەیە چونکە شوێنەکە بە کەڵکى چاککردنەوە نەماوە".