گه‌ڕان

Shadow Shadow
سیاسه‌تی

زانیاریی زیاتر

پەرلەمانتارێکی یەکێتی: لە پەرلەمانتارانی کۆمەڵ مسوڵمانتر و نوێژکەرترین

2021.07.08 - 17:30
App store icon Play store icon Play store icon
پەرلەمانتارێکی یەکێتی: لە پەرلەمانتارانی کۆمەڵ مسوڵمانتر و نوێژکەرترین

ناس کورد-

دوای ئەوەی پەرلەمانتارێکى فراکسیۆنى کۆمەڵ لەپەرلەمانى کوردستان رایگەیاند، لەسەر قسەکانى لەبارەى روخاندنى بەشێکى مزگەوتى بەهەشت پەرلەمانتارێکى یەکێتى هەڕەشەی لێکردووە، پەرلەمانتارەکەی یەکێتی ڕایگەیاند، لەوان مسوڵمانترن و پێویست ناکات مسوڵمانێتی بە هەندێک ڕیش و هەندێک حزب ناشرین بکرێت.

کەناڵی ناس کورد لە تێلیگرام جۆین بکە   

 

عوسمان کانى کوردەیی، پەرلەمانتارى کۆمەڵ لەپەخشێکى راستەوخۆدا لەدواى کۆتایی هاتنى کۆبوونەوەى پەرلەمان (پێنجشەممە 8ی تەموزی 2021) وتى، "فراکسیۆنى سەوز هەڕەشەى لێکردم لەسەر ئەوەى وتم نابێت مزگەوت بڕوخێندرێت". 

 

لە بەرامبەردا عەباس فەتاح، ئەندامی فراکسیۆنی یەکێتی لە پەرلەمانی کوردستان لە کۆنفرانسێکی ڕۆژنامەوانیدا ڕایگەیاند، "بەهیچ شێوەیەک هەڕەشەمان لە هیچ لە کەس نەکردووە نە لە فراکسیۆنی یەکێتی و نە لە سەرۆکایەتی پەرلەمانیشەوە، با بەپێی پەتی لەسەر ئەو جادەیە بسوڕێتەوە و دڵنیابێت لەوەی هیچ هەڕەشەی لەسەرنییە."

 

وتیشی، "ئێمە لەوان مسوڵمانتر و نوێژکەرترین، پێویست ناکات موزایەدە بە ئایینی ئیسلام و مزگەوتەوە بکرێت و بە هەندێک ڕیش و حزب دینی ئیسلام ناشرین بکەن."

 

ئەو پەرلەمانتارەی یەکێتی ئاماژەی بەوەشکرد، "حزبەکان کاری سیاسیی دەکەن و هەر حزبێک بتوانێت ئایینی ئیسلام بەکاربهێنێت بۆ خزمەتی خەڵکی کوردستان ئەوە کارێکی باشە و من پشتگیری دەکەم، بەڵام دڵنیابن هیچ هەڕەشەیەک لەو پەرلەمانتارەی کۆمەڵ نەکراوە و ئەوانەی دەوترێت هەمووی مزایەدەی سیاسیین."