گه‌ڕان

Shadow Shadow
سیاسه‌تی

وردەکاریى

دەروازە سنورییەکان بڕیارێکى کازمى لەبارەى باج ئاشکرا دەکات 

2021.07.08 - 15:33
App store icon Play store icon Play store icon
دەروازە سنورییەکان بڕیارێکى کازمى لەبارەى باج ئاشکرا دەکات 

ناس کورد- 

سەرۆکى دەستەى دەروازە سنورییەکانى عێراق ڕایگەیاند، مستەفا کازمى سەرۆک وەزیران فەرمانى بەپێکهێنانى لیژنەیەکى باڵا کردووە بەمەبەستى ڕێگرى کردن لە بەرزبونەوەى ئاستى وەرگرتنى باج.

 

کەناڵی ناس کورد لە تێلیگرام جۆین بکە   

 

عومەر وائیلى (8ى تەموزى 2021) لەلێدوانێکیدا بۆ ئاژانسى هەواڵى عێراقیە ڕایگەیاند، دەستەکەیان لەدوو لایەنەوە گرفتى باجیان دەستنیشان کردووە، ئەوەش وەکو ئەرکێکى چاودێرى بەسەر دەزگاکانى سەر بە دەروازە سنورییەکانەوە.

 

ئاماژە بۆ ئەوەش کراوە، دواى گفتوگۆیەک دەنگدان لەسەر ئەوە کراوە لەدوو لایەنە و باج لەسەر هەمان خزمەتگوزارى نەسەپێنرێت.



ئەوەش خراوەتەوە ڕوو، دەنگدانەکە پشتى بەستووە بەنوسراوێکى ئەمیندارێتى گشتى ئەنجومەنى وەزیران کە وەکو پرسیارێک ڕەوانە کراوە و وەڵامەکەش ئەوە بووە:" باج مافى ئەو لایەنەیە کە کار لەبوارى خزمەتگوزاریەکاندا دەکات بێ ڕەچاوکردنى جۆرەکەى کە موڵکایەتیە یاخود ترانزێتە یان سۆنەرەکانە".

 

باسى لەوەش کرد، پرسەکە لەدواهەمین دیدارى سەرۆک وەزیرانى عێراقیشدا خراوەتە بەر باس و ئاماژە بۆ ئەوەش کراوە، وەرگرتنى باج لەلایەن فەرمانگەکانى دەروازە سنورییەکانەوە زیادى کردووە و پێویستى بە پێداچوونەوە و کەمکردنەوە هەیە بەپێى جۆرى خزمەتەکە کە پێشکەش دەکرێت و هەروەها بەپێى پێداویستیەکان.

 

وائیلى جەختى لەسەر ئەوەش کردەوە، سەرۆک وەزیران فەرمانى بەپێکهێنانى لیژنەیەکى باڵا کردووە کە کارى پێداچونەوە دەبێت بەو باجانەى کە لەلایەن ئەو لایەنانەوە سەپێنراون کە سەر بەخاڵە سنورییەکان و هەروەها بەدواداچوون لەبارەى زیادنەبوونیەوە دەکرێت.

 

سەرۆکى دەستەکە دەشڵێت، خاڵە سنورییەکان لەبەدواداچوونى بەردەوامدایە بۆ ئەوەى بگەنە ئەنجامێک زیان نەگاتە پڕۆسەى بازرگانى و هەروەها ئاستى هاوردە کاران و بارزگانەکانیش قورس نەکات.