گه‌ڕان

Shadow Shadow
سیاسه‌تی

هۆشدارییەك لە تەندروستی هەڵەبجەوە: توشبوون بە كۆرۆنا هەڵكشاوە

2021.07.08 - 13:17
App store icon Play store icon Play store icon
هۆشدارییەك لە تەندروستی هەڵەبجەوە: توشبوون بە كۆرۆنا هەڵكشاوە

ناس کورد-

 

تەندروستى هەڵەبجە بەرزبوونەوەى ئامارەکانى کۆرۆناى راگەیاند و داوا لە هاوڵاتییان دەکات پابەندى رێنماییەکان بن.

کەناڵی ناس کورد لە تێلیگرام جۆین بکە   

 

راگەیاندنى بەڕێوەبەرایەتى تەندروستى هەڵەبجە ئەمڕۆ پێنجشەممە لە راگەیەنراوێکدا کە دەست "ناس کورد" کەوتووە ئاماژەى بەوەکردووە، نزیکەی دوو ھەفتەیە ئامارەکانی توشبوون بە ڤایرۆسی کۆرۆنا  لە پارێزگای ھەڵەبجە زیادی کردووە.

 

رونیشیکردووەتەوە "هەروەها ژمارەی نەخۆش و ئەو کەسانەی کە نەخۆشیەکەیان بە توندی گرتوە زیادبووە، ئەمەش بە ھۆی پابەند نەبوونی ھاوڵاتیان بە ڕێنماییە تەندروستیەکان،  دابەزینی ئاستی پابەند بوونی  ھاوڵاتیان بە ڕێنماییەکان بۆ ئاستێکی زۆر کەم".

 

تەندروستى هەڵەبجە لە ھاوڵاتیان دەکات بۆ ئەوەی توشی حاڵەتی ناخۆش و ناسۆر نەبن و مەرگی ئازیزانیان بە چاوی خۆیان نەبینن پابەندی ڕێنماییە تەندروستیەکان بن.

 

بەپێی ئامارەکانى تەندروستى هەڵەبجە، لە ئێستادا ١٣ نەخۆش لە نەخۆشخانەی وەفا لە ژێر چاودێری تەندروستین  و زۆرینەیان پێویستیان بە ئۆکسجین ھەیەو ٣ نەخۆشیان لە چاودێری چرن و ١٠ نەخۆشی دیکە لە قاوشەکانی کۆرۆنان .