گه‌ڕان

Shadow Shadow
سیاسه‌تی

پارتی لە کەرکوک: دەنگی کورد فرۆشراوە بە سایلۆ و بەنزینخانە

2021.07.07 - 22:33
App store icon Play store icon Play store icon
پارتی لە کەرکوک: دەنگی کورد فرۆشراوە بە سایلۆ و بەنزینخانە

ناس کورد-

 

پەرلەمانتارێکى پێشووى پارتى لە پەرلەمانى عێراق رایگەیاند، دەنگی کورد لە کەرکوک "فرۆشراوە بە سایلۆ و بەنزینخانە"، هەندێک لەنوێنەرەکانی ئەو شارەش تۆمەتباردەکات بەوەى متمانەیان  "دۆڕاندووە و فرۆشتوویانە".

کەناڵی ناس کورد لە تێلیگرام جۆین بکە   

 

شاخەوان عەبدوڵڵا (7ى تەموزى 2021) لە بڵاوکراوەیەکدا رایگەیاند، وەک پاڵێوراوى حزبەکەى بۆ هەڵبژاردنى داهاتووى پەرلەمانى عێراق لەسەر بازنەى کەرکوک دیارى کراوە.

 

ئەو پەرلەمانتارەى پێشوو ژمارەیەک بەڵێنى بە دەنگدەرانى داوە و جەختیلەوەکردووەتەوە، ئەگەر سەرکەوتنى بەدەستهێنا هاوشێوەى پێشوو کار بکات و دەنگى ڕاستەقینەى کەرکوکیەکان بێت و بازرگانى بە دەنگەکانیانەوە نەکات.

 

ئەو پاڵێوراوەى پارتى لە بەشێکى ترى نوسینەکەیدا، ئاماژە "فرۆشتنى دەنگى کەرکوکیەکان لەلایەن بەشێک لە نوێنەرانى شارەکە بە پرۆژە و بەنزینخانە و سایلۆ دەکات" و بەڵێن دەدات، ئەو بەو شێوەیە نەکات کە ئەو کەسانە کردنیان و متمانەى خۆیان فرۆشت.

 

جەختلەوەش دەکاتەوە، کاردەکەن بۆ ڕێگرى کردن لە پرۆسەى تەعریب و داگیرکردنى زەوى و زارى کورد و گەڕانەوەى پێگەى راستەقینەى کورد لە ناوچەکان.