گه‌ڕان

Shadow Shadow
سیاسه‌تی

لێدوانی پنتاگۆن لەبارەى هێرشەکەى شەوی ڕابردووی سەر هەولێر

2021.07.07 - 09:17
App store icon Play store icon Play store icon
لێدوانی پنتاگۆن لەبارەى هێرشەکەى شەوی ڕابردووی سەر هەولێر

ناس کورد-

وەزارەتی بەرگریی ئەمریکا (پنتاگۆن) ڕایگەیاند، هیچ زیانێکى مادى و گیانى لە هێرشە ئاسمانییەکەى سەر فڕۆکەخانەى هەولێر نەکەتووەتەوە.

کەناڵی ناس کورد لە تێلیگرام جۆین بکە   

 

 

جیسیکا ماکنۆڵتى، وتەبێژى وەزارەتى بەرگریی ئەمەریکا (پنتاگۆن) (7ی تەموزی 2021) ڕایگەیاند، بەدواداچوونیان بۆ ئەو هەواڵانە کردووە باس لە هێرشی فڕۆکەی بێفڕۆکەوان دەکەن بۆسەر فڕۆکەخانەى هەولێر بەڵام زانیارییە سەرەتاییەکان ئاماژەیان بە هیچ زیانێکی گیانی و مادی نەکردووە.

 

وتەبێژەکەى وەزارەتى بەرگریی ئەمەریکا هیچ زانیارییەکى ترى لەبارەى ڕوداوەکەوە ئاشکرا نەکردووە.

 

کاتژمێر 11:30 خولەکی شەوی ڕابردوو (6ی تەموزی 2021)، بە فڕۆکەی بێفڕۆکەوانی بۆمبڕێژکراو هێرش کراوەیە سەر فڕۆکەخانەی نێودەوڵەتیی هەولێر.  

  

دژە تیرۆری کوردستان لە پەیجی تایبەتی خۆی لە تۆڕی کۆمەڵایەتی فەیسبووک ڕایگەیاند، "هێرشەکە هیچ زیانێکی گیانی و ماددی نەبووە، تەنها ئاگر لە پووش و پەڵاش کەوتووەتەوە.  

  

هاوکات ئومێد خۆشناو، پارێزگاری هەولێر لەبارەی ئەو هێرشەی کە درەنگانی شەوی ڕابردوو کرایە سەر فڕۆکەخانەی نێودەوڵەتیی هەولێر ڕایگەیاند، "ئەو هێرشە تیرۆریستییە" و جەختی کردەوە کە هەولێر ئارامە.  

  

ئومێد خۆشناو دوای سەردانی بۆ فڕۆکەخانەی نێودەوڵەتیی هەولێر لە کۆنگرەیەکی ڕۆژنامەوانییدا ڕایگەیاند، "هەولێر زۆر ئارامە و هێرشەکە هیچ زیانێکی گیانی نەبووە".  

  

لەبارەی ئەوەی کە هیچ سەرەداوێک لەسەر ئەو هێرشە دەستکەوتووە، پارێزگاری هەولێر وتی، "هێرشەکە هێرشێکی تیرۆریستی بووە و ئامانجی هێرشەکەش وەک دیارە کە هەولێر ناوەند و چەقی بڕیاری سیاسییە و هەمیشە ئامانجی تیرۆرستان دەبێت".  

  

وتیشی، "باوەڕمان وایە کە دەزگا ئەمنییەکان هەرێمی کوردستان ئەوەندە بەهێزن کە ئەم جۆرە هێرشانە کاریگەریی لەسەر ئاسایشی هەرێمی کوردستان نابێت".  

  

پارێزگاری هەولێر ئاشکرایشی کرد کە دەزگاکانی ئاسایش و دژە تیرۆر لێکۆڵینەوەیان لە هێرشەکە دەستپێکردووە دواتر زانیاریی زیاتر لەمبارەیەوە بڵاودەکەنەوە.  

 

هاوکات ڕۆژی 26ی حوزەیرانی 2021، سێ درۆن "فڕۆکەی بێفڕۆکەوان" لە رێگەی خۆپێداکێشان خۆیان بە خانووی ھاووڵاتییەک لە باخچەکانی سەر رێگەی سێولە لە گوندی براغ نزیک کۆمەڵگەی مەلا ئۆمەر لە پارێزگای ھەولێر دا کە دوو لەو درۆنانە تەقینەوە و یەکێکیان نەتەقییەوە.