گه‌ڕان

Shadow Shadow
سیاسه‌تی

زانیاریی

پارێزگار لەدوای هێرشەکەى شەوی ڕابردوو: هەولێر ئارامە

2021.07.07 - 08:33
App store icon Play store icon Play store icon
پارێزگار لەدوای هێرشەکەى شەوی ڕابردوو: هەولێر ئارامە

ناس کورد-

ئومێد خۆشناو، پارێزگاری هەولێر لەبارەی ئەو هێرشەی کە درەنگانی شەوی ڕابردوو کرایە سەر فڕۆکەخانەی نێودەوڵەتیی هەولێر ڕایگەیاند، "ئەو هێرشە تیرۆریستییە" و جەختی کردەوە کە هەولێر ئارامە.

کەناڵی ناس کورد لە تێلیگرام جۆین بکە   

 

ئومێد خۆشناو دوای سەردانی بۆ فڕۆکەخانەی نێودەوڵەتیی هەولێر لە کۆنگرەیەکی ڕۆژنامەوانییدا ڕایگەیاند، "هەولێر زۆر ئارامە و هێرشەکە هیچ زیانێکی گیانی نەبووە".

 

لەبارەی ئەوەی کە هیچ سەرەداوێک لەسەر ئەو هێرشە دەستکەوتووە، پارێزگاری هەولێر وتی، "هێرشەکە هێرشێکی تیرۆریستی بووە و ئامانجی هێرشەکەش وەک دیارە کە هەولێر ناوەند و چەقی بڕیاری سیاسییە و هەمیشە ئامانجی تیرۆرستان دەبێت".

 

وتیشی، "باوەڕمان وایە کە دەزگا ئەمنییەکان هەرێمی کوردستان ئەوەندە بەهێزن کە ئەم جۆرە هێرشانە کاریگەریی لەسەر ئاسایشی هەرێمی کوردستان نابێت".

پارێزگاری هەولێر ئاشکرایشی کرد کە دەزگاکانی ئاسایش و دژە تیرۆر لێکۆڵینەوەیان لە هێرشەکە دەستپێکردووە دواتر زانیاریی زیاتر لەمبارەیەوە بڵاودەکەنەوە.

 

کاتژمێر 11:30 خولەکی شەوی ڕابردوو (6ی تەموزی 2021)، بە فڕۆکەی بێفڕۆکەوانی بۆمبڕێژکراو هێرش کراوەیە سەر فڕۆکەخانەی نێودەوڵەتیی هەولێر.

 

دژە تیرۆری کوردستان لە پەیجی تایبەتی خۆی لە تۆڕی کۆمەڵایەتی فەیسبووک ڕایگەیاند، "هێرشەکە هیچ زیانێکی گیانی و ماددی نەبووە، تەنها ئاگر لە پووش و پەڵاش کەوتووەتەوە.

هاوکات ڕۆژی 26ی حوزەیرانی 2021، سێ درۆن "فڕۆکەی بێفڕۆکەوان" لە رێگەی خۆپێداکێشان خۆیان بە خانووی ھاووڵاتییەک لە باخچەکانی سەر رێگەی سێولە لە گوندی براغ نزیک کۆمەڵگەی مەلا ئۆمەر لە پارێزگای ھەولێر دا کە دوو لەو درۆنانە تەقینەوە و یەکێکیان نەتەقییەوە.