گه‌ڕان

Shadow Shadow
سیاسه‌تی

وردەکاریى

لێدوانى عەبدولەتیف سەلەفی لەبارەى تێکدانى بەشێک لەمزگەوتى بەهەشت لەلایەن شارەوانییەوە

2021.07.06 - 15:32
App store icon Play store icon Play store icon
لێدوانى عەبدولەتیف سەلەفی لەبارەى تێکدانى بەشێک لەمزگەوتى بەهەشت لەلایەن شارەوانییەوە

ناس کورد-

وتاربێژى مزگەوتى بەهەشت لە سلێمانى لەبارەى تێکدان و ڕوخاندنى بەشێک لە مزگەوتى بەهەشت لەلایەن شارەوانى سلێمانییەوە پەیامێکى ڤیدیۆیى بڵاوکردەوە.

 

کەناڵی ناس کورد لە تێلیگرام جۆین بکە   

 

عەبدولەتیف سەلەفى، وتاربێژى مزگەوتى بەهەشت لە سلێمانى (6ى تەموزى 2021) رایگەیاند، بەتێکدان و ڕوخاندنى شوێنى مردوو شۆردن و دەستنوێژگرتنى مزگەوتى بەهەشت لەلایەن شارەوانى سلێمانییەوە، فیلەکانى ئەبرەهەم هاتەوە پێش چاو کە چوون کەعبە تێک بدەن.

 

وتیشى "ئەگەر شوێنێکى مەشروب خۆر و بەرپرسێکى دزبوایە سوێند بەخوا ئەوەیان نەدەکرد، بەڵام لەگەڵ ماڵى خوا ئەو کارەیان کرد".

 

لەبەشێکى ترى پەیامە ڤیدیۆییەکەدا عەبدولەتیف سەلەفى دەڵێت "ئێمە حزبى سیاسى نیین و چەکدارمان نییە بەڵام خوامان هەیە و ئەوەش کە روویداوە لەگەڵ ماڵى خوا روویداوە و لەگەڵ ماڵى عەبدولەتیف رووینەداوە".

 

وتیشى "ئەگەر من وەکو شەخسى خۆم زیادەڕەوییەکم کردووە با بێن بەسەرمدا کاولى بکەن".

 

جەختى لەسەر ئەوەش کردەوە کە ئاگاداریان نەکردونەتەوە لەوەى ئەو دوو شوێنە تێک دەدەن و لەکاتى تێکدان و ڕوخاندنەکەشدا زیانێکى زۆریان بە مزگەوتەکە گەیاندووە.

 

ئاماژەى بەوەش کرد کە سێ ساڵە لە مامەڵەکردندان لە شارەوانى بۆ مۆڵەتدان بۆ ئەو شوێنانە و هەوڵى دنیایان لەگەڵ داوون بەڵام بێ ئەنجام بووە.