گه‌ڕان

Shadow Shadow
سیاسه‌تی

رێککەوتنمان نەبووە لەگەڵ یەکێتى

یەکەم هەڵوێستى پارتى لەسەر نیگەرانییەکانى گۆڕان و وەزیرەکەى

2021.07.06 - 09:46
App store icon Play store icon Play store icon
یەکەم هەڵوێستى پارتى لەسەر نیگەرانییەکانى گۆڕان و وەزیرەکەى

ناس کورد- هەڤاڵ فەتاح

پەرلەمانتارێکی پارتی ڕەتیکردەوە ئەوان هیچ ڕێککەوتنێکی پێشوەختەیان لەگەڵ فراکسیۆنی  یەکێتیدا کردبێت بۆ ئەوەی وەزیری دارایی لەدانیشتنەکەی پەرلەمان ئیحراج بکەن و دەڵێت نابێت گۆڕان بەتیۆڕی پیلانگێؤی بیربکاتەوە.

 

کەناڵی ناس کورد لە تێلیگرام جۆین بکە   

 

رێبوار بابکەیی، ئەندامی فراکسیۆنی پارتی لەپەرلەمانی کوردستان لەلێدوانێکیدا بۆ" ناس کورد"ڕایگەیاند "هیچ ڕێککەوتنێکی پێشوەختە لەنێوان فراکسیۆنی پارتی و یەکێتی لەپەرلەمانی کوردستان نەکراوە کەمەبەست لێی ئەوە بێت وەزیری دارایی ئیحراج بکەین، ئەوانەی کە برادەرانی گۆڕان باسی لێدەکەن، هیچ بنەمایەکی نییەو دوورە لەراستییەوە".

 

وتیشی "بزووتنەوەی گۆڕان لەساڵی 2009  بەدروشمی چاکسازیی و ڕەخنە  گرتن لەحکومەت لەدایک بوو، خێرە ئێستا بەپێچەوانەی ئەودروشمانەوە هەڵوێست دەنوێنن".

 

بابکەیی دەڵێت "پەرلەمانتار نوێنەری خەڵکی کوردستانە و ئازادە لەڕەخنەگرتن و هەڵسەنگاندنی ئەدای حکومەت وەزیرەکانی، خۆناکرێت هەر فراکسیۆنێک ڕەخنە لەوەزیرەکەی بگیرێت بیباتە چوارچێوەی تیۆری پلانگێرییەوە".

 

"بزووتنەوەی گۆڕان دەیان جارڕەخنەی تووندی لەوەزیرەکانی ئێمە گرتووە، هیچ جارێک بیری ئەوەمان نەکردووەتەوە کە ئەو پلانگێرییە کە دژبە ئێمە دەکرێت". ڕێبوار بابکەیی وای وت.