گه‌ڕان

Shadow Shadow
سیاسه‌تی

وردەکاریى

ڕونکردنەوەى باڵیۆزخانەى ئەمەریکا لەبارەى هێرشى درۆنەکانى بەرەبەیانى ئەمڕۆ

2021.07.06 - 09:00
App store icon Play store icon Play store icon
ڕونکردنەوەى باڵیۆزخانەى ئەمەریکا لەبارەى هێرشى درۆنەکانى بەرەبەیانى ئەمڕۆ

ناس کورد-

باڵیۆزخانەى ئەمەریکا لەبەغدا ڕونکردنەوەیەکى لەبارەى هێرشى چەند فڕۆکەیەکى بێفڕۆکەوان بۆ سەر باڵیۆزخانەکە لە ناوچەى سەوزى بەغدا و لەبەرەبەیانى ئەمڕۆ، بڵاوکردەوە.

 

کەناڵی ناس کورد لە تێلیگرام جۆین بکە   

 

باڵیۆزخانەکە(6ى تەموزى 2021) لە ڕونکردنەوەیەکدا ئاماژەى بەوە کرد، بەرەبەیانى ئەمڕۆ (سێشەممە) سیستمى بەرگرى باڵیۆزخانەکە بەرپەرچى هێرشێکى ئاسمانى داوەتەوە.

 

بەگوێرەى ڕونکردنەوەکە، باڵیۆزخانەکە پێکەوە لەگەڵ عێراقییەکاندا کار دەکەن بۆ ڕووبەڕووبوونەوەی مەترسییەکان.

 

جەختیش لەسەر ئەوە کراوەتەوە کە هەموو رێ و شوێنێک دەگرنە بەر بۆ پاراستنى سەلامەتى فەرمانبەرانیان.

 

بەرەبەیانى ئەمڕۆ بەگوێرەی ئەو زانیاری و گرتە ڤیدیۆییانەی دەست "ناس" كەوتووە باڵیۆزخانەی ئەمەریكا لە ناوچەی نێودەوڵەتی بەغدا (ناوچەی سەوز) ڕووبەڕووی هێرشێكی موشەكی بووەوە و بەو هۆیەشەوە زەنگی ئاگاداركردنەوە لە ناوچەكە لێدرا.    

 

گرتە ڤیدیۆییەكان دەریدەخەن سیستمی بەرگریی باڵیۆزخانەكە (C-RAM ) بەرەنگاری هێرشە موشەكییەكە دەبێتەوە كە هێشتا ڕوون نییە ئایا دوورهاوێژە یان فڕۆكەی بێفڕۆكەوان، تا ئێستاش جگە لە پشتڕاستكردنەوەی هێرشەكە هیچ زانیارییەك لەبارەی قەبارەی زیانەكانەوە ڕانەگەیەنراوە.    

 

لەپاش كوژرانی قاسم سولەیمانی و ئەبو مەهدی موهەندیسەوە لە سەرەتای 2020 ناوبەناو بنكەو بارەگا ئەمەریكییەكان لەبەغدا و هەولێر دەبنە ئامانجی هێرشی موشەكی و لەسەردەمی ترەمپدا بەم هۆیەوە ئەمەریكا هەڕەشەی كشاندنەوەی باڵیۆزخانەكەی كرد و داوای لە حكومەتی عێراق كرد ئاسایشی بنكە دیبلۆماسییەكان دابین بكات.