گه‌ڕان

Shadow Shadow
سیاسه‌تی

وردەکاریى

توێژینەوەیەک پێشبینى تەمەن درێژتربوونى مرۆڤ تا 127 ساڵى دەکات

2021.07.06 - 08:45
App store icon Play store icon Play store icon
توێژینەوەیەک پێشبینى تەمەن درێژتربوونى مرۆڤ تا 127 ساڵى دەکات

ناس کورد- 

توێژینەوەیەک دەریخست، بەهۆى باشترکردنى سیستمى تەندروستى و چاودێرییەوە مرۆڤ دەتوانێت لەماوەکانى داهاتوودا زیاتر بژی و تەمەنیشى بگاتە 127 ساڵى کە ریکۆردێکى جیهانیى تازەیە.

 

کەناڵی ناس کورد لە تێلیگرام جۆین بکە   

 

ڕۆژنامەى دەیلى مەیلى بەریتانى (6ى تەموزى 2021) لە توێژینەوەیەکدا ئاماژەى بەوە کرد،ئەوانەى تەمەنیان 110 ساڵى تێدەپەڕێنن ژمارەیان لەداهاتوودا بەشێوەیەکى بەرچاو زیاد دەبێت.

 

توێژینەوەکە بەشێوەیەکى بەرفراوان پشتى بەستووە بەئامارى دانیشتوان بۆ ئەوەى تەمەندرێژى خەڵکى بۆ ساڵى 2100 دەربکەوێت.

 

ئاماژە بۆ ئەوەش کراوە، تا ئێستا ژین کاڵمێنت تەمەندرێژترین کەسە لەمیژوودا کە 122 ساڵ و 164 ڕۆژ ژیاوە و ساڵى 1997 کۆچى دوایى کردووە و ئەوەى ئێستاش تەمەندرێژە و ماوەتەوە لە ژیاندا کانى تاناکاى ژاپۆنییە کە تەمەنى 118 ساڵە.

 

هاوکات زانا وەرزشییەکان لەزانکۆى واشنتۆنى ئەمەریکاش، توێژینەوەیەکیان لەبارەى پێشبینیەکانى تەمەنى مرۆڤەوە بۆ داهاتووى سەدەى بیست و یەک ئەنجام داوە و ژمارەکان ئاماژە بۆ ئەوە دەکەن نیو ملیۆن کەس لەجیهاندا تەمەنیان سەدەیەک زیاتر تێدەپەڕێنن بەڵام کەمتر لە 600 هەزار خەڵکى دەگەنە 110 ساڵى.

 

ئەوەش ڕونکراوەتەوە، لەگەڵ دۆخى بەرەو باشبوونى ژیان و چاودێرى تەندروستى لە زۆربەى وڵاتاندا ژمارەى ئەوانەى کە دەگەنە 110 ساڵى بەشێوەیەکى بەرچاو بەرەو زیادبوون دەچن.

 

پسپۆڕانیش دەڵێن، پێوستە بڕیار بەدەستان ئەو دۆخە بە بایەخەوە سەیر بکەن بەو پێیەى بە تەمەنەکان پێویستی زیاتریان بەچاودێرى کۆمەڵایەتى و خەرجى حکومەت هەیە.

 

ئەوەش خراوەتە ڕوو، ئەگەرى ئەوەش هەیە ئەوپەڕى تەمەندرێژى بەڕێژەى 99% بگاتە 124 ساڵى سەربارى ئەوەى ئەگەرى ئەوەش هەیە بەڕێژەى 68% بگەنە تەمەنى 127 ساڵى بەڵام گەیشتنى مرۆڤ بەتەمەنى 130 ساڵى تەنها بەڕێژەى 13% ئەگەرى هەیە.