گه‌ڕان

Shadow Shadow
سیاسه‌تی

وردەکاریى

کەرکوک؛ فەرمانبەرانی كۆمپانیای نەوت خۆپیشاندانێكیان ئەنجام دا [وێنە]

2021.07.05 - 11:40
App store icon Play store icon Play store icon
کەرکوک؛ فەرمانبەرانی كۆمپانیای نەوت خۆپیشاندانێكیان ئەنجام دا [وێنە]

ناس کورد-

لەشارى کەرکوک  لە دژى وتەکانى وەزیرى نەوتى عێراق کە ئاماژەى بەوە کردبوو فەرمانبەرانى کۆمپانیاى هەڵکەندنى بیرە نەوتییەکان ڕۆژانە دوو کاتژمێر دەوام دەکەن، خۆپیشاندانێک ئەنجام درا.

 

کەناڵی ناس کورد لە تێلیگرام جۆین بکە   

 

پەیامنێرى "ناس کورد" ئەمڕۆ (5ى تەموزى 2021) رایگەیاند، بەیانی ئەمڕۆ (دووشەممە)  فەرمانبەرانی كۆمپانیای هەڵكەندنی بیرە نەوتێكان سەر بە وەزارەتی نەوتی عێراق لە گەرەكی عەرەفە لە بەردەم بینای كۆمپانیاكە خۆپیشاندانێكی نارەزایەتیان لە دژی وتەكانی وەزیری نەوت ئەنجام دا، كە دەڵێت رۆژانە فەرمانبەرانمان دوو كاتژمێر دەوام دەكەن و هەروەها گرێبەستەكان دەدن بە كۆمپانیا بیانێكان بەڵام ئامادە نین بیدەن بە كۆمپانیای هەڵكەندنی بیرە نەوتێكان كە سەر بە وەزارەتی نەوتە.

 

مەریوان عەلی فەرمانبەری كۆمپانیای نەوت تایبەت بە "ناس كورد "ى راگەیاند "وەزیری نەوت بانگهێشتی دانیشتنی ئەنجومەنی نوێنەران كراوە ، ناوبراو وتویەتی كە ئێمە بۆیە هەڵكەندنی بیرە نەوتێكان نادەین بە كۆمپانیاكەی خۆمان ئەوان لە رۆژێكدا دوو كاتژمێر دەوام دەكەن، هەروەها جەنابی وەزیر ئاگادار نیە كە ئەم كۆمپانیایە لە ساڵی 1990 دامەزراوە تاكو ئێستا 3433 بیری نەوت و گازی لێداوە جگە لە نۆژەنكردنەوە ، هەروەها فەرمانبەرانمان دوو شەفت دەوام دەكەن و هەر شەفتێك 12 كاتژمێرە ، بۆیە چەند داواكاریەكمان هەیە".

 

وتیشى "پێویستە وەزیر رونكردنەوە بدات لەسەر ئەو وتانەی كە داویەتی و ڕاستی بكاتەوە".

 

ئاماژەى بە بەشێکى تر لە داواکارییەکان کرد و وتى "هەروەها داواكارین خودی خۆی سەردانی شوێنی كاركردن بكات بۆ ئەوی زانیاری ورد تری هەبێت و هەروەها پێویستە قازانجی ساڵانە بدات بە فەرمانبەران كە لە ساڵی 2015 وە ڕاوەستاوە".

 

داواشیان کرد، پەلە بکرێت لە بەرێوەبردنی مامەڵەكانی پێدانی پارچە زەوی بە فەرمانبەرانی كۆمپانیاكە.