گه‌ڕان

Shadow Shadow
سیاسه‌تی

وردەکاریى

ڕێکخراوێک:جەمسەرى بەستەڵەکى باشور پلەیەکى گەرماى سەرسوڕهێنەرى تۆمار کردووە

2021.07.02 - 23:12
App store icon Play store icon Play store icon
ڕێکخراوێک:جەمسەرى بەستەڵەکى باشور پلەیەکى گەرماى سەرسوڕهێنەرى تۆمار کردووە

ناس کورد-

ڕێکخراوێکى تایبەتمەندى جیهانى ڕایگەیاند، لەدورگەیەکى جەمسەرى باشوور لەڕێکەوتى 6ى شوباتى ساڵى پار، پلەکانى گەرما گەیشتووەتە 18.3 پلەى سیلیزى.

 

کەناڵی ناس کورد لە تێلیگرام جۆین بکە   

 

بەگوێرەى ڕاپۆرتێکى ڕێکخراوى (WMO)ى جیهانى تایبەت بە چاودێرى کەشوهەواى پلەکانى گەرما، کە لە وێستگەى ئیسپرانساى زانستى ئەرجەنتینى تۆمار کراوە، لە 24ى ئادارى ساڵى 2015 بەهەمان شێوە پلەکانى گەرما پێوەرى شکاندووە و لەنیمچە دوورگەى ئەنتارکتیکا گەیشتووەتە 17.5 پلەى سیلیزى.

 

لاى خۆشیەوە، بیترى تاڵاس ئەمیندارى گشتى ڕێکخراوەکە ڕایگەیاندووە، بەدواداچوون بۆ پلەکانى گەرما کارێکى پێوستە و یارمەتى گەڵاڵەبوونى بیرۆکەیەک دەدات لەسەر کەشو و ئاو هەوا لەناوچەیەکى دوورى سەر زەوى.

 

ئاماژەى بۆ ئەوەش کردووە، نیمچە دوورگەى ئەنتارکتیکا  لەو ناوچانەیە کە پلەکانى گەرماى تێدا بەخێراى بەرزدەبێتەوە و لەماوەى 50 ساڵى ڕابردوودا گەیشتووەتە 3 پلە و ئەوەش پێوەرێکى نوێیە هاوکات لەگەڵ گۆڕانکارییەکانى ئاو هەوادا هەستى پێ دەکرێت.

 

هاوکات سیلیست ساولۆ جێگرى بەڕێوەبەرى ڕێکخراوەکە هۆشدارى دەدات و دەشڵێت، ئەو پێوەرە نوێییە جارێکى تر ئەوەى دەرخستووە کە گۆڕانکارى ئاو و هەوا پێویستیشە بەردەوامى بدرێت بە پتەوکردنى سیستمەکانى چاودێرى و پێشبینى کردن و هۆشدارى پێشوەختە بەمەبەستى وەڵامدانەوەى دیاردە پەڕگیرە نامۆکان کە لەزۆر شوێندا بەهۆى گلدانەوەى پلەکانى گەرماوە ڕوودەدەن.