گه‌ڕان

Shadow Shadow
سیاسه‌تی

زانیاریی زیاتر

سێ کەس بەتۆمەتی لەناوبردنی ماسییەکانی قادرکەرەم دەستگیرکران

2021.07.02 - 15:34
App store icon Play store icon Play store icon
سێ کەس بەتۆمەتی لەناوبردنی ماسییەکانی قادرکەرەم دەستگیرکران

ناس کورد/ هەڤاڵ غالب

دوای ئەوەی لەلایەن کەسانی نەناسراوەوە لە چەمی ڕۆخانەی ناحیەی قادرکەرەم لەڕێگەی ژەهرەوە هەزاران ماسی لەناوبرا، ئەمڕۆ سێ ڕاوچی دەستگیرکران. 

کەناڵی ناس کورد لە تێلیگرام جۆین بکە   

 

ڕەمک ڕەمەزان، سەرۆکی لیژنەی ئەمنیی قەزای چەمچەماڵ (هەینی 2ی تەموزی 2021) بۆ ناس کورد وتی، " دوای ئەوەی لە چەمی ڕۆخانە هەزاران ماسی لەناوچوون، دوێنێ ١ی تەموز بەشێوەیەکی مەیدانی سەردانی ناحیەی قادرکەرەممان کرد بۆ بەدواداچوونی ئەو بابەتە." 

 

وتیشی، " دەست بەجێ بەفەرمانی دادوەر فەرمانی گرتن بۆ چوار کەس دەرکرا و هێزەکانی پۆلیس و ئاسایش و پۆلیسی دارستانمان ڕاسپاد کە هەرکەسێک لەپشتی ئەو تاوانەوەیە دەستگیربکرێت"." 

 

ئاشکراشی کرد، ئەمڕۆ لەو چوار کەسەی فەرمانی گرتنیان هەیە سێ کەسیان دەستگیرکران، ئەو کەسانە ڕاوچین و خەڵکی سنورەکەن و بەمادەی ٤٢ی ژینگە دەستگیرکراون.

 

ناحیەی قادرکەرەم دەکەوێتە  باشوری قەزای چەمچەماڵ و ٥٠ کم لە قەزاکەوە دوورە، لەڕووی ئیدارییەوە سەر بەو قەزایەیە و چەمی ڕۆخانەی پێدا تێدەپەڕێت.

 

دوینێ پێنجشەممە ١ی تەموز، بڵاوبوونەوەی وێنە و ڤیدیۆی چەمەکە کە هەزاران ماسیی تێدا سەرئاو کەوتبوو بەهۆی تێکردنی ژەهر، کاردانەوەی زۆری لێکەوتەوە.