ناس کورد-
وەزارەتی پەروەردەی هەرێم لەبارەی دەرچوواندنی گشتیی خوێندکارانی پۆلی 1 تا 11 ڕوونکردنەوەیەکی بڵاوکردەوە و ڕایگەیاند، ئەو نوسراوەی بڵاوبووەتەوە ساختەیە و هیچ بڕیارێکی لەوشێوەیە نەدراوە.
کەناڵی ناس کورد لە تێلیگرام جۆین بکە
لە ڕاگەیەنراوێکدا وەزارەتی پەروەردەی هەرێم (هەینی 2ی تەموزی 2021) نوسراوێکی ساختەی بەدرۆ خستووەتەوە و ڕایگەیاندووە، " بەرێزان پشت بە نووسراوی ساختە مەبەستن، وەزارەتی پەروەردەی حکومەتی هەرێمی کوردستان لە کابینەی نۆیەمی حکومەتی هەرێم گرنگی داوە بە میدیای پەروەردەیی، بەشێوەیەکی سەرەکی نووسراو و هەواڵە پەروەردەییەکان."
ئاماژەی بەوەشکردووە، لەم سەرچاوانەوە وەربگرن :
-کەناڵی ئاسمانی تەلەفزیۆنی پەروەردەیی.
- پەیجی فەرمی کەناڵی ئاسمانی تەلەفزیۆنی پەروەردەیی لە فەیسبووک.
- کەناڵی تەلەفزیۆنی پەروەردەیی دهۆک.
- پەیجی فەرمی کەناڵی تەلەفزیۆنی پەروەردەیی دهۆک .
- وێبسایتی فەرمی وەزارەتی پەروەردە .
- پەیجی فەرمی وەزارەتی پەروەردە لە فەیسبووک .
- چەناڵی ڤایبەری وەزارەتی پەروەردە.
