گه‌ڕان

Shadow Shadow
سیاسه‌تی

وردەکاریى

حکومەتی ھەرێم زیاتر لە چوار ملیار دینار بۆ خاوێنکردنەوەی چەند ناوچەیەک خەرج دەکات

2021.07.01 - 13:09
App store icon Play store icon Play store icon
حکومەتی ھەرێم زیاتر لە چوار ملیار دینار بۆ خاوێنکردنەوەی چەند ناوچەیەک خەرج دەکات

ناس کورد-

فەرمانگەى میدیا و زانیارى حکومەتى هەرێمى کوردستان لەبارەى تەرخانکردنى زیاتر لە چوار ملیار دینار بۆ خاوێنکردنەوەى چەند ناوچەیەک، راگەیەندراوێکى بڵاوکردەوە.

 

کەناڵی ناس کورد لە تێلیگرام جۆین بکە   

 

فەرمانگەکە (1ى تەمووزى 2021) لە راگەیەندراوێکدا ئاماژەى بەوە کرد، لە درێژەی پێشکەش کردنی پرۆژە خزمەتگوزارییەکانی حکومەتی ھەرێمی کوردستان و لەسەر ڕاسپاردەی مەسرور بارزانی، سەرۆکی حکومەتی ھەرێمی کوردستان، بڕی (٢,٧٦٢,٧٦٠,٠٠٠) دوو ملیار و حەوتسەد و شەست و دوو ملیۆن و حەوتسەد و شەست ھەزار دینار بۆ وەزارەتی شارەوانی و گەشتوگوزار تەرخان کرا بە مەبەستی خاوێنکردنەوەی قەزای سێمێل و دەوروبەری بۆ ماوەی سێ ساڵ کە لە ڕێکەوتی ٢٠٢١/١/١ دەست پێ دەکات تا ڕێکەوتی ٢٠٢٣/١٢/٣١ی زایینی.

 

ئاماژە بەوەش کراوە، لە لایەکی دیکەوە بڕی (١,٤٥٢,٠١٢,٠٠٠) ملیارێک و چوار سەد و پەنجا و دوو ملیۆن و دوازدە ھەزار دینار خەرج کرا بۆ یەک ساڵی خاوێنکردنەوە و ھەڵگرتنی زبڵ و خاشاکی شارەوانی خەبات و سفەیە و شاخۆڵان و کەورگۆسک کە لە رێکەوتی ٢٠٢١/١/١ دەست پێ دەکات تا ڕێکەوتی ٢٠٢١/١٢/٣١ زایینی.

 

بەگوێرەى راگەیەنراوەکە، هەردوو بڕەکە لەسەر بودجەی وەزارەتی شارەوانی و گەشتوگوزار خەرج دەکرێت.