گه‌ڕان

Shadow Shadow
سیاسه‌تی

وردەکاریى

بەپاساوى توشبوون بەکۆرۆنا وەزیرێک خۆى لەلێپرسینەوەى پەرلەمانى دەدزێتەوە

2021.07.01 - 10:25
App store icon Play store icon Play store icon
بەپاساوى توشبوون بەکۆرۆنا وەزیرێک خۆى لەلێپرسینەوەى پەرلەمانى دەدزێتەوە

ناس کورد-

ئەو وەزیرەی بە پەرلەمانتارێکی وت"قاچت دەشکێنم بێیتە ناو وەزارەت پۆزش دەهێنێتەوە بۆ ئامادەبوونی دانیشتنى ئەمڕۆى پەرلەمان". 

 

کەناڵی ناس کورد لە تێلیگرام جۆین بکە   

 

د.سەهر مەهدى جبورى بریکارى وەزارەتى کشتوکاڵى عێراق (1ى تەمووزى 2021) لەنوسراوێکدا کە ئاڕاستەى پەرلەمانى کردووە و وێنەیەکى دەست "ناس کورد" کەوتووە ڕایگەیاندووە "لەوەڵامى نوسراوێکتاندا کە داواتان کردووە وەزیر ئامادەى دانیشتنى پەرلەمان بێت لەڕۆژى (1ى تەمموزى 2021)، ئاگادارتان دەکەینەوە کە وەزیر بەهۆى توشبوونى بەپەتاى کۆرۆناوە ناتوانێت لەو ڕۆژەدا ئامادەیى دانیشتنەکە ببێت".

 

ئاماژە بۆ ئەوەش کراوە، توشبوونى وەزیر بە کۆرۆنا وەک لەڕاپۆرتى پزیشکیدا هاوپێچ کراوە و پشکنینەکەى لەلایەن تاقیگەى ناوەندییەوە ئەنجامدراوە کە دانپێدراوى نێودەوڵەتیە ئەوەى سەلماندووە کە وەزیرى دووچارى پەتاکە بووە.

 

هەر لەنوسراوەکەدا ئەوەش خراوەتە ڕوو، دواى چارەسەربوونى لەپەتاکە وەزیر ئامادە دەبێت بەو کاتەى کە پەرلەمان بۆى دیارى دەکات.

 

ئەوەش لەکاتێکدایە لەماوەکانى ڕابردوودا، وەزیرى کشتوکاڵى عێراق هەڕەشەیەکى لەپەرلەمانتارى عێراق کرد و پێ وتبوو " قاچت دەشکێنم ئەگەر بێیتە ناو وەزارەتەوە".