گه‌ڕان

Shadow Shadow
سیاسه‌تی

وردەکاریى

گەرمترین 10 ناوچەى جیهان ديارى كران ’سیانیان لە عێراقن’

2021.07.01 - 08:20
App store icon Play store icon Play store icon
گەرمترین 10 ناوچەى جیهان ديارى كران ’سیانیان لە عێراقن’

ناس کورد-

وەزارەتى تەندروستى و ژینگەى عێراق هۆشدارى دەدات لە گۆڕانکارى ژینگەیى لەسەر تەندروستى گشتى مرۆڤ و جەخت لەوەش دەکاتەوە، سێ ناوچەى عێراق لە گەرمترین ناوچەکانى جیهانن.

 

کەناڵی ناس کورد لە تێلیگرام جۆین بکە   

 

جاسم فەلاحى، بریکارى وەزیرى تەندروستى (1ى تەمووزى 2021) بە ئاژانسى هەواڵى عێراقییەى ڕاگەیاند، عێراق کاریگەرییەکى گەورەى گۆڕانکارى کەشوهەواى بەسەرەوەیە، گۆڕانکارى ژینگەیى واتاى زیادبوونى بە هەڵمبوونى کاربۆنە، ئەویش لە ئەنجامى پیشەسازى مرۆیى کە پێش 250 هەزار ساڵە دەستیپێکردووە کە بە شێوەیەکى ڕاستەوخۆ کاریگەرى لەسەر هەسارەى زەوى دروست کردووە.

 

ئاماژەى بەوەشداوە، زیادبوونى بەهەڵمبوونى کاربۆن کاریگەرى کردووەتە سەر ئەوەى پێى دەوترێت قەتیسبوونى گەرما، عێراق یەکێکە لەو 5 دەوڵەتەى جیهان کە زۆرترین کاریگەرى گۆڕانکارى کەشوهەوایان بەسەرەوەیە، ئەوەش بەهۆى بەرزبوونەوەى پلەکانى گەرما.

 

فەلاحى ڕونیشیکردووەتەوە، 3 ناوچەى عێراق لەنێو لیستى گەرمترین 10 ناوچەى جیهانن، ئەوەش بەهۆى کەمى ڕووەک و کەمى بارانبارین و سەرچاوە ئاوییەکان، زیاتر لە 90% سەرچاوەکانى ئاوى عێراق لە دەرەوە دێن، بەهۆى گۆڕانکارى کەشوهەوا و زۆربوونى بەهەڵمبوونەوە ئەو سەرچاوانە کەمیان کردووە، ئەوەش سەرەڕاى سیاسەتى ئەو وڵاتەى سەرچاوەکانى لێیە لە ڕێگەى دروستکردنى بەنداو کە کاریگەرى کردووەتە سەر پشکى ئاو.

 

جاسم فەلاحى وتوشیەتى، بەرزبوونەوەى پلەکانى گەرما کاریگەرى ڕاستەوخۆى لەسەر تەندروستى گشتى هەیە، ئەوەش بەهۆى ڕاستەوخۆ بەرکەوتنى خۆرەوە لە کەشێکى گەرمدا، چونکە ئەگەر پلەى گەرما لە 50 پلە زیاتر بوو ئەوا کاریگەرى زۆر لەسەر فیزیایى جەستە دروست دەکات، هەروەها کاریگەرى دەکاتە سەر ئاوى خواردنەوە و ئەوەش کاریگەرى لەسەر دەزگاى هەرس و هەناسەدانى مرۆڤ دروست دەکات.