گه‌ڕان

Shadow Shadow
سیاسه‌تی

پۆلیس زانیاری دەدات

بازرگانێکی مادەی هۆشبەر لە نەجەف بە هەڕەمەکی تەقەی کرد و چوار کەسی کوشت

2021.06.29 - 23:45
App store icon Play store icon Play store icon
بازرگانێکی مادەی هۆشبەر لە نەجەف بە هەڕەمەکی تەقەی کرد و چوار کەسی کوشت

ناس کورد-

بازرگانێکى مادەى هۆشبەر لە پارێزگاى نەجەف بەشێوەیەکى هەڕەمەکى دەست دەکات بە تەقەکردن و بەهۆیەوە چوار کەس دەکوژێت کە یەکێکیان موختارى ناوچەیەکە.

کەناڵی ناس کورد لە تێلیگرام جۆین بکە   

 

سەرچاوەیەکى ئەمنى لە پارێزگاکە (29ى حوزەیرانى 2021) بە "ناس کورد"ى ڕاگەیاند، کەسێک کە بازرگانى چەک و مادەى هۆشبەرە لە ناحیەى حیرەى باشورى پارێزگاى نەجەف، دوو کەسى کوشتووە کە بڕى 600 هەزار دیناریان لەلاى بووە، هەردولاش لە دوو عەشیرەتى جیاوازن.

 

بەپێى وتەى سەرچاوەکە، بکوژەکە دواى کوشتنى ئەو دوو کەسە هەستاوە بە کوشتنى کچى براکەى و دواتر موختارى ناوچەکە، ئەوەش دواى ئەوەى بەشێوەیەکى هەڕەمەکى دەستدڕێژى گولـلەى بە شەقامێکى ناوچەکەدا کردووە.

 

بەپێى زانیاریەکانى هەمان سەرچاوە، لە ئەنجامدا ئەو بازرگانەى چەک و مادە هۆشبەرەکان چوار کەسى کوشتووە و سێ کەسى تریشى بریندار کردووە، دواى ئەنجامدانى تاوانەکەش هەڵاتووە، بەپێى زانیاریەکان ئەگەرى هەیە لەژێر کاریگەرى مادە هۆشبەرەکان بووبێت و هێزە ئەمنییەکان بەردەوامن لە گەڕان بەدوایدا و ڕادەستکردنى بە دادگا.