گه‌ڕان

Shadow Shadow
سیاسه‌تی

وەزیری کارەبای عێراق دەستیلەکارکێشایەوە

2021.06.29 - 22:27
App store icon Play store icon Play store icon
وەزیری کارەبای عێراق دەستیلەکارکێشایەوە

ناس کورد-

ماجد حەنتوش، وەزیری کارەبای عێراق دەستلەکارکێشانەوەى ئاڕاستەی مستەفا کازمی، سەرۆک وەزیرانی عێراق کرد.

کەناڵی ناس کورد لە تێلیگرام جۆین بکە   

 

ئەحمەد عەبادى، وتەبێژى وەزارەتى کارەبا (29ى حوزەیرانى 2021) بە ئاژانسى هەواڵى عێراقییەى وتووە، ماجد حەنتوش دەستلەکارکێشانەوەى پێشکەشى نوسینگەى سەرۆکى ئەنجومەنى وەزیران کردووە.

 

دەستلەکارکێشانەوەى ناوبراو لەکاتێکدایە، بارودۆخى کارەبا لەم وەرزەدا کە هاوینە و پلەکانى گەرما زۆر بەرزبوونەوەتەوە خراپە، ئەوەش سەرەڕاى هێرشەکانى چەکدارانى داعش بۆ سەر تاوەرەکانى کارەبا کە چەندین شاریان بێکارەبا کردووە.

 

دوو ڕۆژ پێش موقتەدا سەدر، سەرۆکى ڕەوتى سەدر لە تویتێکدا داواى کردبوو وەزیرى کارەبا دەستلەکارکێشانەوە پێشکەش بکات، ئەوەش بەهۆى خراپى بارودۆخى کارەباوە کە لە توانایدا نییە چاکى بکات.

 

سەدر پێشى وابوو، هۆکارى خراپى کارەبا بەهۆى گەندەڵییەوە کە وزەیەکى زۆرى بەفیڕۆ داوە، هەروەها پێشنیارى کردبوو گرێبەست لەگەڵ کۆمپانیا جیهانییەکاندا بکرێت، بۆ باشکردنى بارودۆخى کارەبا لە عێراقدا.