گه‌ڕان

Shadow Shadow
سیاسه‌تی

خاوەنى بەنزینخانەیەک لەسلێمانى بەدەستڕێژى گولـلە کوژرا

2021.06.29 - 10:04
App store icon Play store icon Play store icon
خاوەنى بەنزینخانەیەک لەسلێمانى بەدەستڕێژى گولـلە کوژرا

ناس کورد- هەڤاڵ فەتاح

 

پۆلیسی سلێمانی ڕایگەیاند، بەیانی ئەمڕۆ هاوڵاتییەکی تەمەن سەروو پەنجا ساڵ کە خاوەنى بەنزینخانەیە لە گەڕەکی سروشتی سلێمانی بەدەستدرێژی گولـلە کوژراوە.

کەناڵی ناس کورد لە تێلیگرام جۆین بکە   

 

سەرکەوت ئەحمەد، وتەبێژی بەڕێوەبەرایەتی پۆلیسی سلێمانی( ٢٩ی حوزەیرانی ٢٠٢١) بە" ناس کورد"ی ڕاگەیاند "بەیانی ئەمڕۆ هاوڵاتییەکی تەمەن سەروو پەنجا ساڵ بە ناوی ( س. م) کە دانیشتوی گەڕەکی سروشتی شاری سلێمانییە  بەدەستدرێژی گولـلە کوژراوە".

 

ئاماژەی بەوەشکرد، "هاوڵاتییەکە ئەم بەیانییە منداڵەکەی بردووە بۆ قوتابخانەوە و لەڕێگە تەقەی لێکراوە و فیشەکێک بەرسەری کەوتووە و دەست بەجێ گیانی لەدەستداوە".

 

ئەو هاوڵاتییە خاوەنی بەنزیخانەی ( شەنە) کە دەکەوێتە نزیک شاری سپی، نزیک نەخۆشخانەی شۆرش.

 

وتەبێژى پۆلیسی سلێمانی وتى "پەڕاوی لێکۆڵینەوە بۆ ڕووداوەکە کراوەتەوە وتیمەکانی تاوان لە شوێنی ڕوداوەکەن، بەڵام تائێستا هۆکاری کوشتنەکەی  دیار نییە".