گه‌ڕان

Shadow Shadow
سیاسه‌تی

وردەکاریى

تەندروستى ئاماژەکانى گەیشتنى کۆرۆنا هیندییەکەى بەعێراق دیارى کرد 

2021.06.29 - 10:01
App store icon Play store icon Play store icon
تەندروستى ئاماژەکانى گەیشتنى کۆرۆنا هیندییەکەى بەعێراق دیارى کرد 

ناس كورد-

وەزارەتی ژینگە و تەندروستیی عێراق، هۆشداریدا لەزیادبوونی ژمارەی توشبووان بەڤایرۆسی کۆرۆنا و ڕایگەیاند، ئاماژەکان بۆ ئەوەن کە ڤایرۆسی گۆڕاوی کۆرۆنای هیندی کەناسراوە بە (دەلتا) لەعێراق بوونی هەیە.

 

کەناڵی ناس کورد لە تێلیگرام جۆین بکە   

 

چاسپ حەجامی، بەڕێوەبەری گشتی تەندروستی کەرخی شاری بەغدا (29ی حوزەیرانی 2021) لەلێدوانێکدا بەڕۆژنامەی "سەباح"ی فەرمی ڕایگەیاند "ڤایرۆسی گۆڕاوی هیندی جۆری (دەلتا) بە مەترسیدارترین ڤایرۆسی کۆرۆنا هەژمار دەکرێت و لە هەموو جۆرەکانی تری کوشندەترە".

 

ئاماژەی بەوەش کردووە "بەرزبوونەوەی ژمارەی توشبووان بە نەخۆشییەکە لە 300 حاڵەتی ڕۆژانە بۆ 500 حاڵەت بەرزبووەتەوە و بەشی چاودێری چڕ لە نەخۆشخانەکاندا جەنجاڵ بووە کە بەشێکی زۆری نەخۆشەکان لەتوێژی گەنجانن کە ئەوەش ئاماژەیەکە بۆ ئەوەی کە ئەو جۆرە ڤایرۆسە لەعێراق بڵاوبووەتەوە".

 

ئەو بەرپرسەی تەندروستی عێراق ئەوەشی خستووەتە ڕوو "پێشتر و بەگوێرەی داتاکانمان ڕۆژانە بەڕێژی لە 10% پشکنین بۆ هاوڵاتیان دەکرا، بەڵام لەئێستادا ئەو ڕێژەیە بەرزبووەتەوە بۆ زیاتر لە 12%، ئەوەش ئاماژەیەکی دیکەیە کەژمارەی توشبووان بە ڤایرۆسەکە لەعێراق بەخێرای بەرزدەبێتەوە".