گه‌ڕان

Shadow Shadow
سیاسه‌تی

بۆری هەناسەی پچڕا بوو

لە چەمچەماڵ منداڵێک بەشێوەیەکى سەرسوڕهێنەر لەمردن ڕزگارکرا

2021.06.28 - 17:23
App store icon Play store icon Play store icon
لە چەمچەماڵ منداڵێک بەشێوەیەکى سەرسوڕهێنەر لەمردن ڕزگارکرا

ناس کورد-

لە چەمچەماڵ بە نەشتەرگەرییەکى دەگمەن منداڵێک لە مردن ڕزگارکرا کە بەهۆی کەوتنەخوارەوەی لەسەر پاسکیل بۆری هەناسەی پچڕابوو.

کەناڵی ناس کورد لە تێلیگرام جۆین بکە   

 

منداڵەکە تەمەنى نۆ ساڵان بووە و درەنگانى شەوى ڕابردوو ڕەوانەى نەخۆشخانەى گشتی شەهید پێشڕەو لە چەمچەماڵ کرا، دواى ئەوەى بەهۆی کەوتنە خوارەوەی لەسەر پاسکیل و سوکانی پاسکیلەکەی چووبوو بەبۆری هەناسەیدا و بەتەواوەتی پچڕابوو، ئەوەش بەپێی راگەیەنراوێکى تەندروستى چەمچەماڵ کە دەست "ناس کورد" کەوتووە.

 

د. هیوا حسین ئەو پزیشکەی نەشتەرگەرییەکەی ئەنجامداوە وتی، "بەهۆی قورسی و مەترسیداری لەبەر پاراستنی ژیانی منداڵەکە دەستبەجێ بڕیارماندا نەشتەرگەری بۆ ئەنجامبدەین لەبەرئەوەی زۆر ئەستەمبوو لەژیاندا بمێنێت و بگاتە نەخۆشخانەکانی سلێمانی بەهۆی هەناسەتوندی و شینبوونەوە و دابەزینی ئۆکسجینی و نەزیفبوونی".

 

وتیشی، "دوای کاتژمێرێک مانەوە لە نەشتەرگەری و دورینەوەی بۆری هەناسەی و ڕاگرتنی نەزیفبوونەکەی مەترسی لەسەر ژیانی نەما و بەمەبەستی چاودێریکردنی ڕەوانەی نەخۆشخانەی شارکرا لە سلێمانی".

 

د. هیوا حسین دەڵێت، لەئێستا باری تەندروستی منداڵەکە جێگیرە لە یەک دو ڕۆژی تردا دەگەڕێتەوە ماڵەوە و نەخۆشخانە بەجێدەهێڵێت.