گه‌ڕان

Shadow Shadow
سیاسه‌تی

وردەکاریى

ڕاگەیەندراوی حەشدی شەعبی لەبارەی بۆردوومانەکەی بەرەبەیانى ئەمڕۆى ئەمەریکا 

2021.06.28 - 14:13
App store icon Play store icon Play store icon
ڕاگەیەندراوی حەشدی شەعبی لەبارەی بۆردوومانەکەی بەرەبەیانى ئەمڕۆى ئەمەریکا 

 ناس کورد-

دەستەی حەشدی شەعبی سەرکۆنەی بۆردومانەکەی بەرەبەیانی ئەمڕۆی سەر هێزەکانی کرد  لە پارێزگای ئەنبار و ڕوداوەکەی بەکردارێکی دوژمناکارانە ناوبرد و  ڕایگەیاند، فڕۆکەکەکانیی ئەمەریکا چەکدارەکانی لەکاتی بەجێهێنانی ئەرکەکانیان لەپاراستنی خاکی عێراق دژ بە تیرۆرستان بۆردومان کردووە و ڕەتیشکردەوە ئەو پێگەیە هیچ حەشارگەیەکی چەکی تێدابێت.

 

کەناڵی ناس کورد لە تێلیگرام جۆین بکە   

 

دەستەکە (28ی حوزەیرانی 2021) لەڕاگەیەندراوێکدا ئاماژەى بەوە کرد "کاتژمێر 2.00ی بەرەبەیانی ئەمڕۆ (دووشەممە) فڕۆکەکانی ئەمەریکا سێ خاڵی سنوری سەر بە هەردوو لیوای 14 و 46ی حەشدی شەعبی لەقەزای قائیم سەر بە پارێزگای ئەنبار و بەدووری 13 کیلۆمەتر لەسنوری نێوان عێراق و سوریا کردە ئامانج".

 

ئاماژە بەوەش کراوە "بۆردوومانەکە چوار کوژراوى لە هێزەکانیی حەشدی شەعبی لێ کەوتووەتەوە کە لەکاتی ئەرکدا بوون بۆ بەرگرتن لەدزەکردنی تیرۆرستانی داعش لەو سنورەوە بۆ ناو خاکی عێراق".

 

حەشدی شەعبی لەڕاگەیەندراوەکەدا جەختی کردووەتەوە "هێزەکانیان بەهیچ شێوەیەک لەو ناوچەیە هەوڵی ئەوەیان نەداوە کردەی سەربازی دژ بەو هێزە بیانیانە ئەنجام بدەن کە لەئێستادا لەناو خاکی عێراق بونیان هەیە، بەڵکو ئەوان لەکاتی ئەنجامدانی ئەرکی ئاسایی خۆیان بوون دژ بە تیرۆرستانی داعش".

 

لەڕاگەیەندراوەکەدا ئەوەش هاتووە "ئەو پێگەیەی کە لەلایەن فڕۆکەکانی ئەمەریکاوە کراوە بەئامانج هیچ حەشارگەیەکی چەک و تەقەمەنی تێدا نەبووە، ئەوەش بەپێچەوانەی درۆکانی ئەمەریکاوەیە کە گوایە بۆردوومانەکەی بۆ ئەو پێگەیە بەهۆی بوونی حەشارگەی چەک و تەقەمەنییەوە بووە".

 

باس لەوەش کراوە "مەبەست لەو هێرشە تەنها لاوازکردنی عێراق و هێزە ئەمنییەکان و حەشدی شەعبییە کە لەماوەی ڕابردوودا توانایەکی بێ وێنەیان نیشانداوە دژ بە تیرۆرستان، هێرشەکە دەست درێژییە بۆ سەر سەرەوەری خاکی عێراق، بۆیە ڕایدەگەیەنین مافی یاسایی دەپارێزین بۆ وەڵامدانەوەی ئەو دەستدرێژییە و لێپێچنەوە لە دەستدرێژکاران".

 

حەشدی شەعبی داواشی لەحکومەتی عێراق کردووە "بەزووترین کات دۆسیەی کشانەوەی هێزە بیانییەکان لەعێراق یەکلایی بکاتەوە و مافی وڵاتەکەیان بپارێزێت لەکۆنترۆڵکردنی ئاسمان وخاکەکەی".