گه‌ڕان

Shadow Shadow
سیاسه‌تی

وردەکاریى

یەکەم کاردانەوەى ئێران لەبارەى بۆردومانەکەى بەرەبەیانى ئەمڕۆى ئەمەریکا

2021.06.28 - 10:04
App store icon Play store icon Play store icon
یەکەم کاردانەوەى ئێران لەبارەى بۆردومانەکەى بەرەبەیانى ئەمڕۆى ئەمەریکا

ناس کورد-

وەزارەتى دەرەوەى ئێران لەبارەى بۆردومانکردنى چەند بارەگایەک لەسەر سنورى عێراق-سوریا لە بەرەبەیانى ئەمڕۆدا لەلایەن هێزەکانى ئەمەریکاوە راگەیەندراوێکى بڵاوکردەوە.

 

کەناڵی ناس کورد لە تێلیگرام جۆین بکە   

 

وەزارەتەکە (28ى حوزەیرانى 2021) لە راگەیەندراوێکدا ئاماژەى بەوە کرد " دروستکردنى پشێوى لە ناوچەکە لە بەرژەوەندى ئەمەریکا نییە".

 

جەختى لەسەر ئەوەش کردەوە کە "ئەمەریکا لەسەر ڕێگەى هەڵە دەڕوات و ئەم جۆرە کارانەى لە سوریا و عێراق بەشێکە لە دەرخستنى خۆبەزلزانى ئەو وڵاتە".

 

پنتاگۆن لە ڕاگەیەنراوێکدا بەرەبەیانی (28ی حوزەیرانی 2021) ڕایگەیاند، هێرشییان بۆسەر ئەو هێزانە لە وەڵامی ئەو هێرشانە دێت کە ئەو چەکدارانە دەیکەنەسەر کارمەندان و دامەزراوە ئەمەریکییەکان لە عێراق.  

 

ئاماژەی بەوەش کردووە "هێرشەکانی ئەمشەو ئەوە نیشان دەدات کە سیاسەتی سەرۆک بایدن ڕوونە و بۆ پاراستنی ئەمەریکاییەکان کار دەکات."  

 

بەوتەی جۆن کێربی، وتەبێژی وەزارەتی بەرگریی ئەمەریکا، "بۆردومانەکە لەسەر سنوری عێراق و سوریا بووە چەند شوێنێک کراونەتە ئامانج کە لەلایەن لیواکانی حزبوڵڵا و لیواکانی سەید ئەلشوهەدا بەکاردەهێنرێن."  

 

هاوکات ڕوانگەی سوری بۆ مافەکانی مرۆڤ ڕایگەیاندووە، لە هێرشەکەدا پێنج چەکداری سەید ئەلشوهەدا کوژراون، بەڵام لە راگەیەندراوى کەتیبەکەدا ئاماژە بە کوژرانى چوار چەکدار کراوە.    

 

کەتیبەکانى سەیدولشوهەدا لە راگەیەندراوێکدا ناوى ئەو چەکدارانەى ئاشکرا کرد کە لە بۆردومانەکەى ئەمەریکا بۆ سەر بارەگایەکیان لەسەر سنورى نێوان عێراق-سوریا، گیانیان لەدەستدا. 

 

کەتیبەکە (28ى حوزەیرانى 2021) لە راگەیەندراوێکدا ئاماژەى بەوە کرد، لە بۆردومانەکەى ئەمەریکا بۆ سەر بارەگایەکى کەتیبەکە لەسەر سنورى عێراق-سوریا، چوار چەکدارى کەتیبەکە گیانیان لەدەستداوە. 

 

بەگوێرەى راگەیەندراوەکە ئەو چەکدارانەى کە لە بۆردومانەکەدا کوژراوون بریتین لە :حسێن عەلى عەبدولحسێن ساڵح بیزانى، کرار سەعد حەمدان جلوب مەحمەداوى، کرار عەبدولعەزیز زینل شەبکى، محەمەد رومى ماجد محاسن فەرتوسى. 

 

راگەیەندراوەکەى کەتیبەکان لە کاتێکدایە کە وەزارەتی بەرگریی ئەمەریکا ڕایگەیاند، لە وەڵامی هێرشی سەر دامەزراوەکانیان لە عێراق، بە فەرمانی جۆ بایدن، ژمارەیەک ناوەندی سەربازیی "میلیشیاکانی سەر بە ئێران"یان لە عێراق و سوریا کردە ئامانج.