گه‌ڕان

Shadow Shadow
سیاسه‌تی

بزانە چیتر دەڵێت

لاهور شێخ جەنگی: ڕقم لە پارتی نییە ئەوانیش بایی خۆیان خزمەتی میللەتیان کردووە

2021.06.26 - 21:19
App store icon Play store icon Play store icon
لاهور شێخ جەنگی: ڕقم لە پارتی نییە ئەوانیش بایی خۆیان خزمەتی میللەتیان کردووە

ناس کورد-

لاهور شێخ جەنگی، هاوسەرۆکی یەکێتیی نیشتیمانیی کوردستان ڕایگەیاند، ئەو ڕقی لە پارتی نییە و ئەویش حزبێکە بایی خۆی خزمەتی میللەتی کردووە، دەشڵێت، بەڵام ڕقی لە سیاسەتی تاکڕەوانەی پارتییە و ئیتر لێیان قبوڵ ناکەن.

کەناڵی ناس کورد لە تێلیگرام جۆین بکە   

 

لاهور شێخ جەنگی لە ڕاستەخۆیەکدا لە پەیجی تایبەتی خۆی لە تۆڕی کۆمەڵایەتی فەیسبوک (شەممە 26ی حوزەیرانی 2021) لە وەڵامی ئەوەی بۆچی ڕقی لە پارتییە؟، ڕایگەیاند، "من ڕقم لە پارتی نییە، پارتیش حزبێکە بایی خۆی خزمەتی ئەم میللەتەی کردووە و بایی خۆشی گرفتی دروست کردووە وەک هەموو حزبەکانی دیکە."

 

وتیشی، "من دژی سیاسەتی تاکڕەوانەی پارتی بووم لە ڕابردوودا و گلەیی لە پارتی ناکەم، بەڵکو گلەیی لە خۆمان دەکەم، چونکە بەهۆی ململانێکانی ئێمە گۆڕان لەم سنورە وای کرد پارتی تاکڕەوانە بڕیار بدات."

 

باسی لەوەشکرد، "پارتی دەبێت بزانێت ئێمەش خوێنمان داوە، ئێمەش خەباتمان کردووە و دەبێت لەوە تێبگات و ناکرێت تاکڕەوانە بڕیار لە چارەنوسی ئەم میللەتە بدات، ئەگەر لە ڕابردووشدا ئەوەی بۆ کرابێت، دەبێت بزانێت ئێمە ئێستا بە ئاگا هاتووینەتەوە و ئیتر قبوڵی ناکەین."