گه‌ڕان

Shadow Shadow
سیاسه‌تی

لە هەولێر چۆن کۆنسێرتی کرد؟

ئەلیسا بڕیارەکەى وەزارەتی ڕۆشنبیریی هەرێمی پشتگوێخست؟

2021.06.26 - 15:12
App store icon Play store icon Play store icon
ئەلیسا بڕیارەکەى وەزارەتی ڕۆشنبیریی هەرێمی پشتگوێخست؟

ناس کورد-

شەوی ڕابردوو کۆنسێرتەکەى گۆرانیبێژی عەرەب و لوبنان ئەلیسا لە هەولێر بەڕێوەچوو، ئەوەش دوای چەند ڕۆژێک لە بڕیارێکی وەزارەتی ڕۆشنبیریی هەرێم کە ئەنجامدانی کۆنسێرتی هونەرمەندانی بیانی قەدەغەکردبوو.

کەناڵی ناس کورد لە تێلیگرام جۆین بکە   

 

شەوی ڕابردوو، 25ی حوزەیرانی 2021، لە هۆڵی گاڵاکسی لە هەولێر کۆنسێرتەکەى ئەلیسا بەڕێوەچوو، نرخی بلیتی VIP گەیشتە 500 دۆلار، زۆرێک لە ئامادەبووانی کۆنسێرتەکە وێنە و ڤیدیۆیان لە تۆڕە کۆمەڵایەتییەکان بڵاوکردووەتەوە.

ئەنجامدانی ئەو کۆنسێرتە لەکاتێکدایە ڕۆژی 16ی حوزەیرانی 2021، وەزارەتی ڕۆشنبیریی هەرێم داوای لە وەزارەتی ناوخۆ كرد ڕێگە نەدات كۆنسێرت بۆ هونەرمەندانی بیانی لەهەرێم ئەنجام بدرێت بە بێ ڕەزامەندی وەزارەتەكەیان و سەندیكای هونەرمەندان.

 

زیاتر بخوێنەوە: ڤیدیۆ؛ هەڵوێستی ئەلیسا لەگەڵ یەکێک لە هەوادارانی لە هەولێر

لەوبارەیەوە، نامیق هەورامى، وتەبێژى وەزارەتى ڕۆشنبیرى هەرێمى کوردستان ئەمڕۆ شەممە (26ى حوزەیرانى 2021) لە لێدوانێکى تایبەتتدا بە "ناس کورد"ى ڕاگەیاند، " ئێمە ڕێگریمان لە کەس نەکردووە ئاهەنگ ساز بکات بەڵکو وتومانە هەر هونەرمەندێکى بیانى دێتە هەرێم و هەر جۆرە چالاکییەکى هونەرى ئەنجامدەدات دەبێت وەزارەتى ڕۆشنبیرى ئاگادار بێت و دەشبێت ئەو داواکارییە ڕێڕەوى یاسایى خۆى وەربگرێت."

لەبارەى ئەنجامدانى ئاهەنگەکەى ئەلیسا و پشتگوێ خستنى داواکاریەکەى وەزارەت، نامیق هەورامى وتى، "ئەو ئاهەنگە پێشتر کارى بۆ کرابوو، هەر کەسێک هونەرمەند داوەت دەکات پێشتر بە ساڵێک یاخود شەش مانگ بەرنامەکەى بۆ دادەڕێژێت و گرێبەستى لەگەڵدا دەکات و ئینجا دەیهێنێت و ئەوەش پێش داواکارییەکەى ئێمە کراوە".

نامیق هەورامى جەختى لەسەر ئەوەش کردەوە، نوسراوەکەى وەزارەتەکەیان لەگەڵ تەوقیتى کۆنسێرتەکەدا شەش ڕۆژى نێوان بووە و ئەو کارەش پەیوەندى بەداواکارییەکەى ئەوانەوە نییە.

 

زیاتر بخوێنەوە: وەزارەتی ڕۆشنبیری بۆ ناوخۆ: ڕێگە مەدەن هونەرمەندانی بیانی کۆنسرێت ئەنجام بدەن