گه‌ڕان

Shadow Shadow
سیاسه‌تی

عێراق گەیشتنی شەپۆلی سێیەمی کۆرۆنای بە فەرمی ڕاگەیاند

2021.06.26 - 10:44
App store icon Play store icon Play store icon
عێراق گەیشتنی شەپۆلی سێیەمی کۆرۆنای بە فەرمی ڕاگەیاند

ناس کورد-

وەزارەتی تەندروستیی عێراق گەیشتنی شەپۆلی سێیەمی کۆرۆنای بۆ وڵات ئاشکرا کرد و دەڵێت، ڕێکارەکانی خۆپارێزی زیاتر دەکەن و هەڵمەتی کوتانیش خێراتر.

کەناڵی ناس کورد لە تێلیگرام جۆین بکە   

 

سەیف بەدر، وتەبێژی وەزارەتەکە لە ڕاگەیەنراوێکدا (26ی حوزەیرانی 2021) دەڵێت، "شەپۆلێکی پەتایی نوێ ڕووی لە وڵات کردووە کە توند و مەترسیدارترە لە شەپۆلەکانی یەکەم و دووەم کە پێشتر وڵاتی گرتەوە."

 

دەشڵێت، "شەپۆلە نوێیەکە پێویستی بە ڕووبەڕووبوونەوەی زیاتر و ڕێکاری نوێ هەیە، گرنگە خەڵکی دەمامک ببەستێت و مەودای دوری ڕەچاو بکات، ئەوە جگە لە وەرگرتنی ڤاکسین."

 

وتەبێژەکەى تەندروستی ئاماژەی بەوەشکرد کە وەزارەت "پلانێکی گشتگیری دەستپێکردووە بۆ زیادکردن و خێراکردنی هەڵمەتی کوتان لەڕێگەی زیادکردنی بنکەکانی کوتان لە بەغدا و پارێزگاکانی تر."

 

ناوبراو جەختی لە گرنگی پابەندبوون بە ڕێکار و یاساکانی خۆپارێزی تایبەت بە لیژنەی ڕووبەڕووبوونەوەى کۆرۆنا کرد و داوای لە سەرجەم میدیاکان و بەکارهێنەرانی تۆڕە کۆمەڵایەتییەکان کرد پەیام و زانیاریی دروست و هۆشیارکەرەوە بڵاوبکەنەوە.

 

سەیف بەدر جەختیشی لە گرنگی ڕۆڵی زانایانی ئاینی و سەرکردە عەشائیرییەکان و ڕێکخراوەکانی کۆمەڵگەی مەدەنی کردەوە لە بڵاوکردنەوەى هۆشیاری تەندروستی تاوەکو هاوڵاتیان هان بدات خۆیان بپارێزن.