گه‌ڕان

Shadow Shadow
سیاسه‌تی

زانیاریی زیاتر

لە هەڵمەتێکى دژى مادە هۆشبەرەکان 32 کەس دەستیگر کران

2021.06.24 - 22:58
App store icon Play store icon Play store icon
لە هەڵمەتێکى دژى مادە هۆشبەرەکان 32 کەس دەستیگر کران

ناس کورد- 

بەڕێوەبەرایەتى گشتیى بەرەنگاربوونەوەى مادە هۆشبەرەکان و کاریگەرییە عەقڵییەکان ئاشکرایکرد، لە هەڵمەتێکدا دژى مادە هۆشبەرەکان لە پارێزگاکانى عێراق 32 تۆمەتبار دەستگیر کراون.

کەناڵی ناس کورد لە تێلیگرام جۆین بکە   

 

بەڕێوەبەرایەتى گشتیى بەرەنگاربوونەوەى مادە هۆشبەرەکان و کاریگەرییە عەقڵییەکان (24ى حوزەیرانى 2021) لە ڕاگەیەنراوێکدا بڵاویکردووەتەوە، هەڵمەتێکى فراوان دژى مادە هۆشبەرەکان لە چەندین ناوچەى عێراق ئەنجام دراوە.

 

باسى لەوەشکردووە، لە هەڵمەتەکەدا 32 تۆمەتبار دەستگیر کراون، "7 لە بەسرە، 6 لە نەینەوا، 2 لە موسەنا، 4 لە واست، 8 لە بابل و 5 لە کەربەلا".

 

لە ڕاگەیەنراوەکەدا ئەوەش هاتووە، دەست بەسەر چەندین جۆر مادەى هۆشبەردا گیراوە لەکاتى دەستگیرکردنى تۆمەتباران کە بریتى بوون لە "500 گرام مادەى کریستاڵ، چەندین جۆر حەبى هۆشبەر، چەندین ئامێرى کێشانى مادە هۆشبەرەکان و چەک.

 

بەڕێوەبەرایەتییەکە جەخیلەوەشکردووەتەوە، ڕێوشوێنى یاسایى دژیان گیراوەتە بەر و ڕادەستى دادگا کراون، پرۆسەکەش لەسەر زانیارى هەواڵگرى و هاوکارى هاوڵاتیان ئەنجام دراوە.