گه‌ڕان

Shadow Shadow
سیاسه‌تی

وردەکاریى

پەرلەمانتارێکى گۆڕان پشتیوانى و دەستخۆشى لە دەستپیشخەرییەکى شاسوار عەبدولواحید دەکات

2021.06.24 - 08:59
App store icon Play store icon Play store icon
پەرلەمانتارێکى گۆڕان پشتیوانى و دەستخۆشى لە دەستپیشخەرییەکى شاسوار عەبدولواحید دەکات

ناس کورد-

پەرلەمانتارێکى گۆڕان پشتیوانى و دەستخۆشى لە دەستپیشخەرییەکى سەرۆکى جوڵانەوەى نەوەى نوێ دەکات لەبارەى دابەزاندنى نرخى بەنزین و فڕۆشتنى هەر لیترێک بە 500 دینار.

 

کەناڵی ناس کورد لە تێلیگرام جۆین بکە   

 

عەلى حەمە ساڵح (24ى حوزەیرانى 2021) لە بڵاوکراوەیەکدا ئاماژەى بەوە کرد، من پشتیوانی ھەر ھەوڵێک دەکەم بەنزینێکی کوالێتی باش بدرێت  بە ٥٠٠ دینار، بەڵام گرنگە بڕەکەی زۆر بێت و بەردەوام بێت.

 

ئەو پەرلەمانتارە رونیدەکاتەوە کە دابەزاندنى نرخ بۆ بەنزینى باش کارێکى قورسە و واى دەبینێت ڕێگای دروست ئەوەیە حکومەتی ھەرێم لە پاڵاوگەکانی ناوخۆ نەوت بپاڵوێت و پشتیوانی دابەزاندنی نرخ بکات وەک عێراق.

 

بڵاوکراوەکەى عەلى حەمە ساڵح دواى ئەوە هات کە شاسوار عەبدولواحید، سەرۆکى جوڵانەوەى نەوەى نوێ لە میانەى بڵاوکردنەوەى گرتەیەکى ڤیدیۆیدا دەستپێشخەرییەکى لەبارەى دابەزاندنى نرخى بەنزین بۆ 500 دینار راگەیاند و ئاماژەى بەوە کرد کە ئەمڕۆ (پێنجشەممە) لەمیانەى ئەنجامدانى کۆنگرەیەکى ڕۆژنامەوانى ناوەڕۆکى دەستپێشخەرییەکە و هەوڵەکانیان لەو بوارەدا بۆ راى گشتى دەخاتەڕوو.

 

 

هاوکات عەلى حەمە ساڵح ئاماژە بەوە دەکات کە ئەگەر بازرگان ھیچ قازانج نەکات و کرێی نەقڵ و گومرگ و کۆمپانیاو گۆڕەپان و خەزان و قازانجی بەنزینخانەش وەرنەگرێت یەک لیتر ٦٣٥ دینار دەکەوێت و بۆ بەنزینی باش ئەگەر حسابی گومرگ و نەقڵ و بکرێت بەبێ قازانجی بەنزینخانە تەنێک ٦٦٠ دۆلار دەکەوێت تاوەکو سلێمانی و لیترێک نزیک دەبێتەوە لە ٧٥٠ دینار.

 

دەشڵێت "ئەگەر تێکەڵ بکرێت لەگەڵ کۆندێن سەیت پترۆ کیمیاوی و نەفتا دەتواندرێت بە ٧٠٠ بفرۆشرێت.. بەڵام زیانی زۆرە".