گه‌ڕان

Shadow Shadow
سیاسه‌تی

بەڵام چۆن؟

کۆرۆنا زیاتر لە پێنج ملیۆن کەسى کردووە بە ملیۆنێر

2021.06.23 - 08:58
App store icon Play store icon Play store icon
کۆرۆنا زیاتر لە پێنج ملیۆن کەسى کردووە بە ملیۆنێر

ناس كورد-

بەهۆی پەتای کۆرۆناوە لە ساڵی 2020دا، زیاتر لە پێنج ملیۆن کەسی تر بوون بە ملیۆنێر و ژمارەی ئەوانەشی کە سەروەت و سامانیان لە 50 ملیۆن دۆلار زیاتر یەک لەسەر چوار زیادیان کردووە.

کەناڵی ناس کورد لە تێلیگرام جۆین بکە   

 

بەپێى ڕاپۆرتێکى بانکى "کریدى سویس" کە (22ى حوزەیرانى 2021) بڵاویکردووەتەوە، ئەو سەروەت و سامانەى کە لەلایەن خێزانە دەوڵەمەندەکان کۆبووەتەوە لەساڵى ڕابردوودا گەیشتووەتە 28.7 تریلیۆن دۆلار، بەهۆى ئەوەشەوە بانکەکان پڕبوون لە پارە و نرخى پشکەکان زۆر زیادیان کردووە.

 

بەپێى زانیاریەکانى ڕۆژنامەى فاینانشیاڵ تایمز، کۆى سەروەتى خێزانە دەوڵەمەندەکان بە پشک و قەرزەکانیشەوە گەیشتووەتە نزیکەى 418.3 ترلیۆن دۆلار.

 

لە ڕاپۆرتەکەدا جەخت لەوەشکراوەتەوە، بەهۆى ئەوەشەوە جیاوازى نێوان دەوڵەمەندەکان و هەژارەکان لە زۆربەى وڵاتەکان زیاتر بووە، سەروەتى ئەو کەسانەى کە لە ملیۆنێک دۆلار زیاتریان هەیە لە ساڵى 2000ەوە چوار هێندە زیاى کردووە و گەیشتووەتە 191.6 ترلیۆن دۆلار و پشکیان لە سەورەت و سامانى جیهانیدا گەیشتووەتە 35% بۆ 46%.

 

ڕاپۆرتەکە جەختی لەوەشکردووەتەوە، هەروەها 2.9 ملیار کەس واتا 55%ى ئەو کەسانە پێگەیشتوون کەمتر لە 10 هەزار دۆریان هەیە، لەسەرتاسەرى جیهانشدا 56.1 ملیۆنێر بە نرخى دۆلار هەن ئەوەش بەپێى داتاکانى تا کۆتایى ساڵى 2020، واتا 5.2 ملیۆن کەس زیادى کردووە لە چاو ساڵى پێشوودا، 215 هەزار کەسیش زیاتر لە 50 ملیۆن دۆریان هەیە لەکاتێکدا ساڵى 2019 ئەو ژمارەیە 173 هەزار کەس بوون.