گه‌ڕان

Shadow Shadow
سیاسه‌تی

’’دوو ئەندامى یەکینەکانى رۆژهەڵات’’ لە بۆردومانەکەى تورکیا لەسنورى شارباژێر گیانیان لەدەستداوە

2021.06.22 - 11:39
App store icon Play store icon Play store icon
’’دوو ئەندامى یەکینەکانى رۆژهەڵات’’ لە بۆردومانەکەى تورکیا لەسنورى شارباژێر  گیانیان لەدەستداوە

ناس کورد-

 

فەرماندەیی یەکینەکانى رۆژهەڵاتى کوردستان (یەرەکە - YRK) رایگەیاند، لە بۆردومانەکەى سێ رۆژ لەمەوبەرى گوندی گەڵاڵە لە ناوچەى شارباژێڕی پارێزگای سلێمانی دوو ئەندامیان گیانیان لەدەستداوە.

کەناڵی ناس کورد لە تێلیگرام جۆین بکە   

 

فەرماندەییەکە ئەمڕۆ سێشەممە لە راگەیەنراوێکدا کە وێنەیەکى دەست "ناس کورد" کەوتووە ئاماژەى بەوەکردووە، لە رێکەوتی ١٩-٠٦-٢٠٢١ کاتژمێر ٧ی ئێوارە لە گوندی گەڵاڵە لە ناوچەی شارباژێڕی سەر بە سلێمانی لە ئەنجامی هێرشی فڕۆکەیەکى بێ فڕۆکەوانی دەوڵەتی تورکیا ئۆتۆمبێلێک بۆردوومان کرا.

 

رونیشیکردووەتەوە، "لەو بۆردوومانەدا دوو هەواڵی ژن بە ناوەکانی ئەکین و ئادارشەهید بوون، دواتر زانیاری زێدەتر رادەگەیەنین".