گه‌ڕان

Shadow Shadow
سیاسه‌تی

وردەکاریی

کارمەندێکى تەندروستى بە بەهاى نزیکەى 200 ملیۆن دینار ’’دەرزى توشبووانى کۆرۆناى دزیوە’’

2021.06.22 - 10:53
App store icon Play store icon Play store icon
کارمەندێکى تەندروستى بە بەهاى نزیکەى 200 ملیۆن دینار ’’دەرزى توشبووانى کۆرۆناى دزیوە’’

ناس کورد-

 

دەستەى نەزاهەى عێراق دەستگیرکردنى کەسێکى راگەیاند بەتۆمەتى بردنى (424) دەرزى تایبەت بە چارەسەرى توشبووانى کۆرۆنا لە نەینەوا.

 

کەناڵی ناس کورد لە تێلیگرام جۆین بکە   

 

دەستەکە ئەمڕۆ سێشەممە لەبەیاننامەیەکدا کە دەست "ناس کورد" کەوتووە ئاماژەى بەوەکردووە، تیمێکى دەستەکە لە نەینەوا توانیویانە یەکێک لەکارمەندانى نەخۆشخانەى شیفاى تایبەت بە چارەسەرى توشبووانى کۆرۆنا دەستگیر بکەن.

 

رونیشیکردووەتەوە، ئەو کەسە تۆمەتبارە بە دزینى (424) دەرزى کە نرخى هەریەکێکیان (300) دۆلارەو کۆى گشتى پارەى دەرزییەکان دەگاتە (178,080,000) ملیۆن دینار.

 

بەپێی بەیاننامەکە، تیمەکە توانیویانە (424) دەرزى لەماڵى تۆمەتبارەکە بدۆزنەوە و لێکۆڵینەوە سەرەتاییەکان دەریخستووە کە ئەو دەرزییانە ساختە بوون و نرخى هەریەکەیان (50) دۆلار بووە، تۆمەتبارەکە بۆ ئاشکرانەبوونى تاوانەکەى ویستویەتى ئەو دەرزیانە بباتە نەخۆشخانەکە و لەشوێنى ئەو دەرزیانە دایبنێت کە بردویەتى.

 

تۆمەتبارەکە بەپێی ماددەى  ( 11/444 ) لە یاساى سزادان راگیراوە کە تایبەتە بە سزادانى هەر کەسێک کە دزى بکات لەناویاندا دزى لەماڵى دەوڵەت و لەنێوان حەوت بۆ 10 ساڵ زیندانى دەکرێت.