گه‌ڕان

Shadow Shadow
سیاسه‌تی

پەیامێک بۆ سعودیە و ئێران

’’سەقامگیریی نەک توندڕەوى’’.. سەدر هەڵوێستى خۆى لەسەر سەرکەوتنى ڕەئیسى ڕاگەیاند

2021.06.21 - 17:51
App store icon Play store icon Play store icon
’’سەقامگیریی نەک توندڕەوى’’.. سەدر هەڵوێستى خۆى لەسەر سەرکەوتنى ڕەئیسى ڕاگەیاند

ناس کورد-

موقتەدا سەدر هه‌ڵوێستی خۆی له‌سه‌ر هه‌ڵبژاردنی ئیبراهیم ڕەئیسی بە سه‌رۆك كۆماری ئێران ئاشكراكرد و ڕایگەیاند، گەیشتنی ڕەئیسی بە دەسەڵات نابێت ببێتە هۆکاری ئەوەی توندڕەوی باڵ بەسەر ناوچەکەدا بکێشێت و ئاڵۆزییەکان زیاتر بکات.

کەناڵی ناس کورد لە تێلیگرام جۆین بکە   

 

سەدر (21ی حوزەیرانی 2021) لە تویتێکدا لەبارەی بوونی ئیبراهیم ڕەئیسی بە سەرۆکی نوێی کۆماری ئیسلامی ئێران ڕایگەیاند، "عێراق دوو سیمای گرنگی تێیدا کۆبووەتەوە کە بریتین لە سیمای نەتەوایەتی عەرەب لەلای ڕووی خۆرئاوا و باشورەوە و ئاینزای ئیمامی شیعە لەلای خۆرهەڵاتەوە، بۆیە لەئێستادا دوچاری ململانێی عەرەبی سونی و ئاینزای شیعە بووەتەوە کەهەردووکیان مایەی شانازین بۆ ئێمە".

 

وتیشى، "عێراق هەر لە دێرزەمانەوە لانەکەی نەتەوەی عەرەب و ئاینزای شیعە بووە و لە هەمانکاتیشدا نیشتیمانێکی ڕەسەنی کورد و سونەش بووە، بۆیە لەو ڕوانگەیەوە داوا دەکەین عێراق دووربخرێتەوە لەو ململانێیەی کە لەنێوان ئێران و سعودیەدا هەیە، دەبێت پەیوەندی عێراق لەگەڵ ئەو دوو وڵاتە و وڵاتانی دەورپشتی لەسەر بنەمای ڕێزگرتنی دراوسێتی ودەست وەرنەدان بێت لە کاروباری ناوخۆ".

 

سەدر دەڵێت، "ئێمە دەتوانین ببین بە پردی پەیوەندی لەنێوان ئەو دوو بەرەیەدا، نزیکبوونەوەی ئەو دوو وڵاتە لەیەکەوە لەبەرژەوندی عێراق و ناوچەکەدایە".

 

لەبارەی تورکیاوە سەدر نووسیویەتی، "لە ئێستادا مەبەستمانە لەم کاتەدا زیاتر لەسەر ئەو دوو وڵاتە قسەبکەم، قسەکردن لەسەر دراوسێ خۆشەویستەکەمان لەلای باکورەوە (تورکیا) دوادەخەین بۆ کاتێکی تر".

 

ڕابەری ڕەوتی سەدر ئەوەشی نوسیوە، "گەیشتی ئیبراهیم ڕەئیسی، بەپۆستی سەرۆکایەتی ئێران دەبێت ببێت بەمایەی سەقامگیری بۆ ناوچەکە نەک بەهۆکاری پەرەسەندنی ئاڵۆزییەکان و تەشەنەسەندنی زیاتری تووندڕەوی، چونکە سەقامگیری ناوچەکە دەبێتە هۆکاری لاوازبوونی دوژمنانی عەرەب و ئیسلام لەسەرووی هەموویانە ئیسرائیل کە لەماوەی ڕابردوودا ئەو ئاڵۆزیانەی بۆ بەرژەوندی خۆی قۆستووەتەوە".


سەدر داواشی لە ئەمەریکا کردووە، تائەو کاتەی لەعێراق پاشەکشە دەکات ڕێز لەئیرادەی عێراقییەکان بگرێت و دەست وەرنەداتە هەڵبژاردنەکانی داهاتوو.