گه‌ڕان

Shadow Shadow
سیاسه‌تی

وردەکاریى

کەشناسى وادەى دابەزینى پلەکانى گەرماى دیارى کرد 

2021.06.21 - 15:00
App store icon Play store icon Play store icon
کەشناسى وادەى دابەزینى پلەکانى گەرماى دیارى کرد 

ناس کورد- 

دەستەى کەشناسى عێراق پێشبنیەکانى خۆى بۆ دۆخى کەشوهەوا تا هەفتەى داهاتوو ئاشکرا دەکات و دەشڵێت، پێشبینى دەکرێت ڕۆژى چوارشەممە کەمێک پلەکانى گەرما دابەزێت.

 

کەناڵی ناس کورد لە تێلیگرام جۆین بکە   

 

دەستەى کەشناسى عێراق (21ى حوزەیرانى 2021) لەڕاگەیەنراوێکدا ئاماژەى بەوە کرد، کەشوهەوا لەهەردوو ناوچەکانى ناوەڕاست و باکوور بۆ ڕۆژى سێشەممە پلەکانى گەرما نزیک دەبێت لەڕۆژى پێشووەوە، بەڵام ئاڕاستەکانى (با) بەرەو ڕووى باکوورى خۆرئاوا لەسوکەوە خێرایەکەى بەرەو مامناوەند دەبێتەوە و ئاستى بینین لەنێوان (8 بۆ 10)کیلۆمەتردا دەبێت.

 

ئاماژە بۆ ئەوەش کراوە، کەشوهەوا لەناوچەکانى باشوریشدا بەهەمان شێوە پلەکانى گەرما بەرز دەبێت هاوشێوەى ڕۆژى پێشوو.

 

ئەوەش خراوەتە ڕوو، کەشوهەوا بۆ دوو سبەى چوارشەممەى داهاتوو کەمێک پلەکانى گەرما دادەبەزێت و ئاسمان ساماڵ دەبێت و ئاڕاستەکانى (با)ش لەباکوورە مامناوەند دەبێت و ئاستى بینینیش دەگاتە (6 بۆ 8) کیلۆمەتر بەڵام لەچەند ناوچەیەک بەهۆى با و تۆز و گەردەلولەوە ئاستى بینین بۆ (3 بۆ 5) کیلۆمەتر دادەبەزێت.

 

بەپێى پێشبینەکانى دەستەکە بۆ ڕۆژانى پێنجشەممە و هەینى داهاتوو، پلەکانى گەرماى کەشو هەوا کەمێک بەرزدەبێتەوە و لەچەند ناوچەکى باشورى وڵاتیش بەهۆى گەردەلولەوە ئاستى بینین لەنێوان (3 بۆ 5 ) کیلۆمەتر دەبێت.