گه‌ڕان

Shadow Shadow
سیاسه‌تی

ناوەکانیان بخوێنەرەوە

پێنج دەستگیرکراوی بادینان لەوەتەی دەستگیرکراون نەبینراون و چارەنوسیان نادیارە

2021.06.21 - 13:05
App store icon Play store icon Play store icon
پێنج دەستگیرکراوی بادینان لەوەتەی دەستگیرکراون نەبینراون و چارەنوسیان نادیارە

ناس کورد-

پێنج کەس لە دەستگیرکراوانی بادینان کە ماوەی 10 مانگە دەستگیرکراون تائێستا کەسوکاریان چاویان پێیان نەکەوتووە و ماوەی سێ مانگیشە تەنانەت پەیوەندیی تەلەفۆنیشیان لێ داخستوون و کەسوکاریان نازانن چییان بەسەرهاتووە.

کەناڵی ناس کورد لە تێلیگرام جۆین بکە   

 

ڕوپاک ئەحمەد، ئەندامی پەرلەمانی کوردستان لە فراکسیۆنی کۆمەڵ (دووشەممە 21ی حوزەیرانی 2021) بە "ناس کورد"ی ڕاگەیاند، "ئـەمڕۆ لە پەڕلەمانی کوردستان پێشوازیمان کرد لە کەسوکاری پێنج لە گیراوانی بادینان کە سێ مانگە هەواڵی گیراوەکانی خۆیان نازانن."

 

وتیشی، "ئەو پێنج دەستگیرکراوە، ماوەی 10 مانگە دەستگیرکراون و لەوکاتەوە هیچ کەسێک لە کەسوکاریان نەیانبینیون، تەنها بەڕێگەی تەلەفۆن چەند جارێک قسەیان لەگەڵ کردوون."

 

ئاماژەی بەوەشکرد، بەوتەی کەسوکاری ئەو پێنج دەستگیرکراوە، "ماوەی سێ مانگە تەنانەت پەیوەندی تەلەفۆنیشیان لێ داخستوون و زیاتر لە سێ مانگە ھیچ ھەوالێکیان نیە و نازانن لە ئاسایش چیان لێ بەسەرھاتووە."

 

بەوتەی ئەو پەرلەمانتارە ئەو پێنج دەستگیرکراوە ئەمانەن:

 

سلێمان کەمال سلێمان

جەماڵ خەلیل مەجید

کارکەر عەباس عەلی

بەندەوار ئەیوب ڕەشید

فرست ئەحمد سەعید