گه‌ڕان

Shadow Shadow
سیاسه‌تی

وردەکاریى

وەزارەتى کۆچ ژمارەى ئاوارە گەڕاوەکان و کەمپە داخراوەکانى راگەیاند 

2021.06.21 - 11:27
App store icon Play store icon Play store icon
وەزارەتى کۆچ ژمارەى ئاوارە گەڕاوەکان و کەمپە داخراوەکانى راگەیاند 

ناس کورد- 

وەزارەتى کۆچ و کۆچبەرانى عێراق ڕایگەیاند، کۆتایهێنان بەدۆسییەى ئاوارەکان بەیەکجارى نزیک بووەتەوە و 50 کەمپ داخراون و  لەئێستادا تەنها 39 هەزار ئاوارە ماونەتەوە و لەکۆى 120 هەزار، 80 هەزار ئاوارە گەڕێنراونەتەوە شوێنى خۆیان.

 

کەناڵی ناس کورد لە تێلیگرام جۆین بکە   

 

کەریم نورى، بریکارى وەزارەتەکە (21ى حوزەیرانى 2021) لەلێدوانێکیدا بەڕۆژنامەى سەباحى فەرمى ڕاگەیاند، وەزارەتەکەیان پلانێکى بەهاریکارى لایەنە وەزارییەکان داناوە بۆ ئاسانکارى کردنى گەڕانەوەى ئاوارەکان بۆ ناوچە ڕەسەنەکانى خۆیان.

 

جەختى لەسەر ئەوەش کردووەتەوە، وەزارەتەکەیان سەرکەوتوو بووە لەگەڕانەوەى نزیکەى 81 هەزار لەکۆى 120 هەزار خێزان بۆ ناوچە ڕەسەنەکانى خۆیان لەسەرجەم ئەو کەمپانەى کە لەپارێزگاکانى عێراقدا هەن.

 

نورى دەشڵێت، لەو پلانەدا کە دانراوە و لەم کابینەیەى مستەفا کازمیدا جێبەجێ دەکرێت چارەسەرى هەموو کێشە خێڵەکییەکان کراوە کە تائێستا ڕێگر بوون لەگەڕانەوەى ئاوارەکان ئەوەش بەهەماهەنگى لەگەڵ دەزگا ئەمنییەکاندا بەتایبەت ئەو کێشانەى کە وەزارەت لەساڵانى ڕابردوودا نەیتوانیوە چارەسەرى بکات.

 

بریکارى وەزارەتى کۆچ و کۆچبەران باسى لەوەش کردووە، ئێستا نزیکەى 39 هەزار ئاوارە ماوەتەوە کە زۆربەیان لەکەمپەکانى هەرێمى کوردستاندان و پلانیش هەیە بەهەماهەنگى لەگەڵ هەرێمدا کار بۆ گەڕانەوەیان بۆ ناوچە ڕەسەنەکانى خۆیان بکرێت بۆ ئەوەى بەیەکجارى دۆسییەى ئاوارەکان دابخرێت.