گه‌ڕان

Shadow Shadow
سیاسه‌تی

وردەکاریی ڕووداوەکە

’’گەریلایەک دوای پێنەمانی گولـلە بۆ ئەوەی بەدیل نەگیرێ کۆتایی بە ژیانی خۆی هێنا’’

2021.06.18 - 21:04
App store icon Play store icon Play store icon
’’گەریلایەک دوای پێنەمانی گولـلە بۆ ئەوەی بەدیل نەگیرێ کۆتایی بە ژیانی خۆی هێنا’’

ناس کورد- 

پاش نزیکەی ١٠ ڕۆژ لە تێکهەڵچوونێکی چەکداری لە نزیک شاری بانە، گیان لەدەستدانی گەریلایەک ڕاگەیەنرا، ڕێکخراوی هەنگاویش دەڵێت، ئەو گەریلایە لە شەڕدا دژی سوپای پاسداران گولـلەی پێ نەماوە و بە دوایین گولـلە کۆتایی بە ژیانی خۆی هێناوە. 

کەناڵی ناس کورد لە تێلیگرام جۆین بکە   

 

لە ڕاگەیەنراوێکدا یەکینەکانی پاراستنی ڕۆژهەڵات (ی ر ک) باڵی سەربازی کۆمەڵگای دێموکراتیک و ئازادی ڕۆژهەڵاتی کوردستان (کۆدار) (هەینی ٢٨ی حوزەیرانی ٢٠٢١) ڕایگەیاند، ڕۆژی چوارشەممە ٩ی حوزەیرانی ٢٠٢١، لە نزیک گوندی “بنەخوێ”ی شاری بانە تێکهەڵچوونێکی چەکدارانە لە نێوان هێزەکانی سوپای پاسداران و هێزەکانی (ی ر ک) هاتووەتە ئاراوە." 

 

ئاماژەی بەوەشکردووە، لە ئاکامدا گەریلایەکی خەڵکی ئیستامبۆلی تورکیا بە ناوی “هیزڵ ئاجوول” گیانی لە دەست داوە.

 

لەوبارەیەوە ڕێکخراوی مافی مرۆڤی هەنگاو بڵاویکردووەتەوە، "ئەو گەریلایە دوای تێکهەڵچوونێکی قورس گولـلەی پێ نەماوە و بە دوایین گولـلە کۆتایی بە ژیانی خۆی هێناوە و دواتر لەلایەن هێزەکانی سوپای پاسدارانەوە تەرمەکەی بۆ سنە گوازراوەتەوە."