پەیامێک لە بەڕێوەبەری نەخۆشخانەی هیواوە سەبارەت بە ’’داخستنی نەخۆشخانەکە’’

ناس کورد- 

بەڕێوەبەری نەخۆشخانەی هیوا لە پەیامێکدا ڕایگەیاند، بەڵێن دەدەن نەهێڵن توشبووانی شێرپەنجە بێ هیوا بن و هیوایان بۆ دەگەڕێننەوە.

کەناڵی ناس کورد لە تێلیگرام جۆین بکە   

 

د. یاد نەقشبەندی، بەڕێوەبەری نەخۆشخانەی هیوا و هاوکات وتەبێژی تەندروستیی سلێمانی لە پەیامێکدا (هەینی 18ی حوزەیرانی 2021) ڕایگەیاند، "نەخۆشخانەی هیوا هەمیشە موڵکی هەمووانە، هیوا دەگەڕێنینەوە بۆ بێ هیواکان."

 

ئاماژەی بەوەشکردووە، " بەڵێن دەدەین نەهێڵین توشبووانی شێرپەنجە بێ هیوا بن، هەمیشە لە خزمەت هیواین بەبێ جیاوازی." 

 

ئەوەش لەکاتێکدایە، بەهۆی کەمکردنەوەی بودجەی نەخۆشخانەی هیوا و تەمویلی کارمەندان و پزیشکانی نەخۆشخانەکە لەماوەی ڕابردوو بایکۆتی دەوامیان ڕاگەیاند. 

 

بەرپرسی نەخۆشخانەکە و تەنانەت بەڕێوەبەری تەندروستیی سلێمانیش گومان لەوەدەکەن کە دەستێک لە پشت ئەو کارەوەیە و هەوڵێک هەیە بۆ داخستنی نەخۆشخانەی هیوا، ئەوەش بەمەبەستی پەیداکردنی بازاڕ بۆ نەخۆشخانەک تایبەتەکان. 

 

هەر لەو چوارچێوەیەدا لەئێستادا ڕۆژانە هاووڵاتیان لە تۆڕە کۆمەڵایەتییەکان دژی داخستنی نەخۆشخانەکە پۆست و هاشتاگ بڵاودەکەنەوە و داوا دەکەن، ڕێگە نەدرێت نەخۆشخانەکە دابخرێت.