گه‌ڕان

Shadow Shadow
سیاسه‌تی

وردەکاریى

وادەى دەستپێکردنى ساڵى نوێى خوێندن دیارى کرا 

2021.06.18 - 10:49
App store icon Play store icon Play store icon
وادەى دەستپێکردنى ساڵى نوێى خوێندن دیارى کرا 

ناس کورد-

وەزارەتی پەروەردەی عێراق ڕایگەیاند، پلانیان هەیە بۆ ساڵی خوێندنی داهاتوو، دەوامی پۆلەکانی بنەڕەتی (بازنەی یەکەم) بەشێوەیەکی چڕ دەست پێ بکەنەوە، ڕاشیگەیاند "دەسپێکی ساڵی نوێی خوێندن لەمانگی تشرینی یەکەمی داهاتوودا دەبێت".

 

کەناڵی ناس کورد لە تێلیگرام جۆین بکە   

 

فەلاح قەیسی، بریکاری وەزارەتەکە (18ی حوزەیرانی 2021) لە میانەی بەشداریکردنی لەبەرنامەیەکی کەناڵی"عێراقییە"ی فەرمی ڕایگەیاند "پلانمان هەیە ساڵی داهاتوو بەشێوەیەکی چڕ پۆلەکانی بازنەی یەکەمی بنەڕەتی قەرەبوو بکەینەوە".

 

وتیشی"قەرەبووە کردنەوەکە بەچڕکردنەوەی مەنهەجەکانی خوێندن و زیادکردنی کاتژمێر و ڕۆژانی دەوام دەبێت".

 

قەیسی، ئاماژەی بەوەش کرد "بریارە دەسپێکی دەوامی ساڵی نوێی خوێندن لەمانگی تشرینی یەکەمدا بێت و دەستەی کارگێری و مامۆستایانیش لەناوەڕاستی مانگی ئەیلولی داهاتوودا لە قوتابخانەکاندا دەست بەکار بن".

 

بەرپرسەکەی وەزارەتی پەروەردەی عێراق لەبارەی پلە بەرزکردنەوەی مامۆستایان و یەکسانکردنی بڕوانامەکان، وتویەتی "وەزارەتی پەروەردە بەدەىست تەرخانکردنی بودجەی پێویستەوە لەبودجەی ساڵی 2021 دەناڵێنێت، پارەی پێویست بۆ ئەو پرۆسەیە تەرخان نەکراوە".